ویلنگٹن : نیوزی لینڈ نے انگلینڈ کو پہلے ٹیسٹ میں آؤٹ کلاس کردیا، کیوی ٹیم نے ایک اننگز اور65رنز سے شاندار کامیابی حاصل کرلی۔ کیوی ٹیم کو دو میچز کی سیریز میں 1-0 کی برتری مل گئی۔
تفصیلات کے مطابق نیوزی لینڈ اور انگلینڈ کے درمیان کھیلے جانے والے پہلے ٹیسٹ میچ میں کیوی ٹیم فاتح قرار پائی، نیوزی لینڈ نے انگلینڈ کو پہلے ٹیسٹ میں ایک اننگز اور65رنزسے شکست دے دی۔
میزبان ٹیم نے پہلی اننگز میں چھ سو پندرہ رنزکا پہاڑ کھڑا کردیا۔ انگلش ٹیم دوسری اننگز میں صرف ایک سو ستانوے رنز پر ہمت ہارگئی۔
نیل ویگنر نے پانچ اور سینٹنر نے تین وکٹیں حاصل کیں۔ ڈبل سینچری بنانے والے بی جے واٹلنگ میچ کے بہترین کھلاڑی قرار پائے۔ نیوزی لینڈ نے دو میچ کی سیریز میں ایک صفر کی برتری حاصل کرلی ہے۔
