سری نگر : جنگی جنون میں مبتلا بھارت نے ایل اوسی پراینٹی گائیڈڈ میزائل نصب کردئیے، یہ میزائل پاکستان کے خلاف استعمال کئے جاسکتے ہیں۔
تفصیلات کے مطابق مقبوضہ کشمیرمیں بھارت کی ریاستی دہشت گردی جاری ہے ، کشمیرمیڈیا سروس کا کہنا ہے کہ مقبوضہ کشمیر میں بھارتی فوج نے کنٹرول لائن پر اسرائیلی ساختہ اینٹی ٹینک گائیڈڈ میزائل نصب کردئیے ہیں۔
ذرائع کا کہنا ہے کہ بھارت نے اسرائیل سے حاصل کئے گئے 240 میزائل اور بارہ لانچر وصول کرلئے ہیں، یہ میزائل پاکستان کے خلاف استعمال کئے جا سکتے ہیں۔
خیال رہے اکتوبر میں بھارت کی جانب سے ایل او سی پر جورا، شاہ کوٹ،نوسیری سیکٹر میں حالیہ سیز فائر خلاف ورزیوں میں بھاری ہتھیاروں کے استعمال کا انکشاف ہوا تھا بتایا گیا بھارت نے شہری آبادی پر 122اور155 ایم ایم کے بھاری گولے داغے۔
خیال رہے بھارت نے اسرائیل کے ساتھ 240 اسپائک میزائلوں کے حصول کے لئے ایک معاہدے پر دستخط کیے تھے ، میزائل کو بالاکوٹ آپریشن کے بعد حاصل کیا گیا تھا جب رواں سال فروری میں بھارت نے پاکستان میں جیش دہشت گردی کے کیمپوں پر حملہ کیا تھا۔
مزید پڑھیں : مقبوضہ کشمیر میں کرفیو کا 115واں روز، وادی میں زندگی سسکنے لگی
دوسری جانب مقبوضہ کشمیرمیں پابندیوں اورکرفیوکوایک سوپندرہ روز ہوگئے ہیں، معمول کی زندگی مفلوج ہے اورمعیشت تباہ ہوگئی ہے ، پانچ اگست کے بعد ایک سوستترکشمیری سیاستدانوں کوگرفتار کیا گیا۔
مقبوضہ وادی میں انٹرنیٹ اورموبائل سروس بدستورمعطل ہے اور تعلیمی ادارے اورکاروباری مراکزپرتالے ہیں، بھارتی فورسزنے گزشتہ روزپلواما میں نام نہاد سرچ آپریشن کی آڑ میں دہشتگردی کا مظاہرہ کرتے ہوئے تین کشمیری نوجوانوں کوشہید کیا۔
