خیرپور: سندھ کے ضلع خیرپور کی سرکاری درس گاہ شاہ عبدالطیف یونیورسٹی سے طالبہ کو اغوا کرنے کی کوشش ناکام بنا دی گئی۔
تفصیلات کے مطابق نامعلوم اغوار کار یونیورسٹی طالبہ کو اغوا کرکے لے جارہے تھے کہ اس دوران وہاں موجود طلبا کے شور مچانے پر ملزمان فرار ہوگئے۔
ذرائع کا کہنا ہے کہ اغوا کار سرکاری گاڑی میں سوار تھے اور طالبہ کو بے ہوش کرکے اغوا کرنے کی کوشش کررہے تھے۔
ذرائع کے مطابق جامعہ میں موجود دیگر طلبا نے یہ منظر دیکھا تو شور مچا دیا جس پر مزید افراد بھی جمع ہوگئے اور اغوا کار طالبہ کو چھوڑ کر فرار ہونے پر مجبور ہوگئے۔
طالبہ کو سول اسپتال منتقل کردیا گیا ہے جہاں ڈاکٹرز طبی معائنہ کررہے ہیں، واقعے کے حوالے سے یونیورسٹی انتظامیہ اور مقامی پولیس کو اطلاع کردی گئی ہے۔
پولیس نے واقعے سے متعلق طلبا سے تفصیلات حاصل کی ہیں تاہم متاثرہ طالبہ سے بیان ریکارڈ نہیں کیا جاسکا۔
https://videos.arynews.tv/khairpur-attempt-of-kidnapping-fails-in-slab-university/
