لاہور: تحریک انصاف کے مرکزی رہنما جہانگیر ترین نے کہا ہے کہ مائنس عمران خان کوئی سوچ نہیں سکتا جب کہ مریم نواز کے مائنس ہونے کا وقت آگیا ہے۔
لاہور میں میڈیا سے گفتگو کرتے ہوئے جہانگیر ترین نے کہا کہ نواز شریف کی تیمارداری کیلئےان کےبیٹے موجود ہیں اور جن پرکیسزہیں وہ خودکوبچانےملک سےباہرجارہےہیں، اس لیے یہی کہہ سکتے ہیں کہ مریم نواز کے مائنس ہونےکاوقت آگیاہے۔
انہوں نے کہا کہ مائنس عمران خان کوئی سوچ نہیں سکتا اور نہ ایساممکن ہے کیونکہ پی ٹی آئی عمران خان کی وجہ سے ہی ہے۔
جہانگیر ترین کا کہنا تھا کہ پچھلے 10سال کرپشن ہوئی اور اب ہم معیشت کو سنبھالا دےرہےہیں، معیشت کابیڑہ غرق کرنیوالےپی پی اورمسلم لیگ ن ہیں پچھلے 10سال انہوں نےجو بویاہے وہ کاٹناہمیں پڑرہاہے۔
پی ٹی آئی رہنما نے کہا کہ پارلیمنٹ سپریم ہے قانون سازی کا اختیار رکھتی ہے اس لیے وقت آئے گا تو اپوزیشن سےمل بیٹھ کرقانون منظور کرائیں گے۔
اتحادیوں کے حوالے سے ان کا کہنا تھا کہ اخترمینگل سے آج صبح بات ہوئی ہے مل بیٹھ کر مسائل حل کریں گے چوہدری برادران سےبھی میری ملاقات ہوئی ہے ان کو کوئی ایسی ریزرویشن نہیں ہے۔
