لاس اینجلس : ہالی ووڈ کے نامور اداکار اور پریانکا چوپڑا کے شوہر نک جونَز نے اپنی فلم جمانجی کی پاکستان میں مقبولیت دیکھ کر منفرد انداز میں پاکستانیوں کے لیے پیغام دیا۔
تفصیلات کے مطابق ہالی ووڈ کی نئی ایڈونچر فلم جمانجی کی پاکستان میں مقبولیت دیکھ کر ہالی ووڈ کے نامور گلوکارواداکار نک جونَز نے سوشل میڈیا پرخصوصی ویڈیو پیغام میں تمام پاکستانیوں کو مخاطب کرتے ہوئے سلام پاکستان کہتے ہوئے کہا جمانجی دی نیکسٹ لیول تیرہ دسمبرکودیکھنا مت بھولئےگا۔
ہالی ووڈ فلم ’جومانجی؛ دی نیکسٹ لیول‘13 دسمبر کو پاکستان میں ریلیز کی جائے گی، 13 دسمبر کو پاکستان میں ریلیز ہونے والی فلم کی ہدایات جیک کسدان نے دی ہیں، فلم میں ہالی ووڈ اداکار ڈوائن جانسن، کیون ہارٹ، جیک بلیک، کیرن گلان، نک جونز، الیکس وولف اہم کرداروں میں نظر آئیں گے۔
فلم جومانجی 2 بچوں کے گرد گھومتی ہے، جو جومانجی نامی ایک گیم کی وجہ سے اس کی دنیا کا حصہ بن جاتے ہیں اور بڑی مشکل سے اس گیم کو ختم کرنے کے بعد اپنی دنیا میں واپس پہنچتےہیں۔
واضح رہے کہ ایڈونچرز سے بھرپور فلم ’جومانجی؛ نیکسٹ لیول‘ 1995 میں ریلیز ہوئی سپر ہٹ فلم’جومانجی‘ اور 2017 میں ریلیز ہوئے فلم کے سیکوئل ’جومانجی؛ ویلکم ٹو دی جنگل‘ کا تیسراحصہ ہے۔
