کراچی: قومی کرکٹ ٹیم کے سابق کپتان سرفراز احمد نے کہا ہے کہ رینجرز کی شکریہ جناح ریلی میں شہری بھرپور شرکت کریں۔
تفصیلات کے مطابق قومی کرکٹ ٹیم کے سابق کپتان سرفراز احمد نے سماجی رابطے کی ویب سائٹ ٹویٹر پر ویڈیو پیغام جاری کیا ہے جس میں ان کا کہنا تھا کہ رینجرز کی جانب سے کھیلوں کے فروغ کے لیے بہت کام کیے جارہے ہیں۔
سرفراز احمد نے کہا کہ جامعہ کراچی میں کرکٹ ٹورنامنٹ کے فائنل میں اچھی کرکٹ دیکھنے کو ملی۔
سابق کپتان سرفراز احمد کا کہنا تھا کہ قائد اعظم کی یوم پیدائش 25 دسمبر ہم سب کے لیے اہم دن ہے، رینجرز کی جانب سے شکریہ جناح ریلی میں شہری بھرپور شرکت کریں۔
Shukriya JINNAH shukriya Pakistan Rangers pic.twitter.com/gAI3laAL7W
— Sarfaraz Ahmed (@SarfarazA_54) December 12, 2019
واضح رہے کہ سرفراز احمد نے چند روز قبل قائد اعظم ٹرافی کے میچ میں پانچ سال بعد سنچری اسکور کی تھی۔
یاد رہے کہ سری لنکا کے خلاف ہوم سیریز میں 3-0 سے شکست کے بعد پی سی بی نے سرفراز احمد کو کپتانی سے ہٹادیا تھا، بابر اعظم کو ٹی ٹوینٹی اور اظہر علی کو ٹیسٹ ٹیم کی قیادت سونپ دی گئی تھی۔
