اناتالیہ: ایشیائی پارلیمانی اجلاس میں سینیٹر سیف کی جانب سے کشمیریوں اور مسلمانوں پر مودی سرکار کے مظالم کا پردہ چاک کرنے پر بھارتی وفد سیخ پا ہوگیا۔
تفصیلات کے مطابق ترکی کےشہراناتالیامیں ایشیائی پارلیمانی اسمبلی کے سالانہ اجلاس میں سینیٹر محمد سیف کی جانب سے مودی سرکار کی مسلم مخالف اور انسانیت سوز مظالم کی حقیقت بیان کرنے کے دوران بھارتی وفد نے تقریر میں رکاوٹ بننے کی کوشش کی تو سینیٹر سیف نے انہیں کھری کھری سنادی۔
#Pakistan delegate Senator Saif during his address at annual meeting of Asian Parliamentary Assembly meeting in Antalya blasted India for its blatant violations of human rights in Indian Occupied #Kashmir @SenatorSaif @AAsumanErdogan @appcsocialmedia pic.twitter.com/TNHr2wy3wx
— Pakistan Embassy Türkiye (@PakinTurkiye) December 14, 2019
سینیٹر محمد سیف دو ٹوک جواب دیتے ہوئے کہا کہ پارلیمنٹیرین بنیں مودی نہیں اور جواب کیلئےاپنی باری کا انتظار کریں۔
سینیٹرسیف نے مودی سرکار پر کڑی تنقید کی اور انسانیت کا قاتل قرار دیتے ہوئے کہا کہ مودی انسانی حقوق کی پامالی میں ملوث ہے، عالمی برادری مقبوضہ کشمیرمیں جاری مظالم کانوٹس لے۔
انہوں نے کہا کہ پاکستان نےدہشتگردی کیخلاف جنگ میں70ہزارسےزائدجانوں کی قربانیاں دیں، پاکستان نے بھارت کا جہاز گرایا اورپائلٹ ابھی نندن کوگرفتارکیا، بھارت نے سرجیکل اسٹرائیک کیا تو منہ توڑ جواب بھی مل گیا۔
سینیٹر سیف کا کہنا تھا کہ ابھی نندن اپناچائےکاکپ بھی پاکستان میں بھول گئے جب کہ افسوس ہےبھارتی وفد ایک دہشتگرد کا دفاع کررہاہے۔
