نوڈلز کھانےمیں تو بہت مزیدار ہوتے ہیں مگر اب ایک ڈیزائنر نے اُن کے جوتے تیار کر کے سب کو ورطہ حیرت میں ڈال دیا۔
فیس بک کی زیر ملکیت فوٹو شیئرنگ ویب سائٹ انسٹاگرام پر نوڈلز کے بنے جوتے کی تصویر وائرل ہوئی جو خواتین کے لیے بنایا گیا۔
تصویر شیئر کرتے ہوئے لکھا گیا کہ ’نوڈلز کو جمع کر کے سینڈل کی شبہیہ تیار کی گئی‘۔
ایک روز قبل پوسٹ ہونے والی تصاویر اچانک صارفین کی نظر میں آئی اور چوبیس گھنٹے سے بھی کم وقت میں وائرل ہوگئی جس پر لوگوں نے کھل کر اپنے خیالات کا اظہار کیا۔
اب تک اس تصویر کو لاکھوں لائیکس اور کمنٹس مل چکے جن میں سے چند صارفین نے آرٹسٹ کو شدید تنقید کا نشانہ بھی بنایا اور کہا کہ کھانے کی چیزوں کو جوتے بنانے میں استعمال نہیں کرنا چاہیے۔
اسی طرح دیگر صارفین نے کہا کہ وہ اس جوتے کو پہننے سے زیادہ کھانے کو ترجیح دیں گے۔ ایک صارف نے لکھا کہ یہ جوتے دیکھ کر مجھے بھوک لگنا شروع ہوگئی۔
رپورٹ کے مطابق یہ کوئی معمولی جوتا نہیں بلکہ لگژری ہے جس کی قیمت ایک اندازے کے مطابق 1 ہزار ڈالر مقرر کی گئی۔