میکسیکو سٹی : میکسیکو میں دیوہیکل کروز شپ کی ڈاک پر لنگرانداز دوسرے کروز شپ سے ٹکرا گیا جس کے نتیجے میں 6 افراد زخمی ہوگئے۔
تفصیلات کے مطابق براعظم امریکا کے ملک میکسیکو میں دیوہیکل کروز شپ دوسری کروز شپ سے ٹکرا گیا جس کے نتیجے میں کروز شپ کو نقصان پہنچنے کے ساتھ ساتھ شپ میں سوار مسافر بھی زخمی ہوگئے۔
میکسیکو کے ساحل پر دو مسافر بردار بحری جہازوں کے آپس میں ٹکرانے کی وڈیو سوشل میڈیا پر وائرل ہوگئی۔
کارنیول نامی مسافر بردار کروز شپ کا دوسرے کروز شپ سے ٹکرانے کے باعث شپ کے مسافروں میں شدید خوف و ہراس پھیل گیا۔
غیر ملکی خبر رساں ادارے کا کہنا ہے کہ میکسیکو کے ساحل پر یہ بے قابو بحری جہاز بروقت رُک نہ سکا اور مسلسل آگے بڑھتا چلا گیا اور یوں ڈاک پر کھڑے دوسرے بحری جہاز سے ٹکرا گیا۔
میڈیا رپورٹس کے مطابق اس زور دار تصادم کی وجہ سے بحری جہاز کو شدید نقصان پہنچا جبکہ واقعے میں کروز شپ میں سوار 6 افراد زخمی ہوئے جنہیں فوری طبی امداد کے لیے اسپتال منتقل کردیا گیا۔
