اسلام آباد: وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ بھارت کے عوام نے مودی کی نفرت کے خلاف بغاوت کر دی ہے۔ مودی فسطائی ذہنیت کے ساتھ بھارت میں ہندتوا کے نظریے کو نافذ کرنا چاہتا ہے۔
تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر ٹویٹ میں بھارت میں اقلیتوں کے حوالے سے بات کی۔
معاون خصوصی کا کہنا تھا کہ عمران خان کے نئے پاکستان میں تمام اقلیتوں کے حقوق محفوظ ہیں اور انہیں ترقی کے یکساں مواقع میسر ہیں، آئین پاکستان ان کے حقوق کا ضامن ہے۔
انہوں نے کہا کہ بھارت میں اقلیتیں امتیازی اور متعصبانہ شہریت کے قانون کے خلاف سراپا احتجاج ہیں۔ بھارتی شہر میدان جنگ کا منظر پیش کر رہے ہیں۔
عمران خان کے نئے پاکستان میں تمام اقلیتوں کے حقوق محفوظ ہیں اور انہیں ترقی کے یکساں مواقع میسر ہیں۔آئین پاکستان ان کے حقوق کا ضامن ہے۔ بھارت میں اقلیتیں امتیازی اور متصبانہ شہریت کے قانون کے خلاف سراپا احتجاج ہیں۔بھارتی شہر میدان جنگ کا منظر پیش کر رہے ہیں۔
— Firdous Ashiq Awan (@Dr_FirdousPTI) December 23, 2019
معاون خصوصی کا کہنا تھا کہ مودی اپنی بدنیتی، بد فطرتی اور چالاکی سے بھارت میں اقلیتوں پر ہونے والے ظلم و جبر سے دنیا کی توجہ ہٹا نہیں سکتا۔ بھارت کے عوام نے مودی کی نفرت کے خلاف بغاوت کر دی ہے۔
مودی اپنی بدنیتی، بدفطرتی اور چالاکی سے بھارت میں اقلیتوں پر ہونے والے ظلم و جبر سے دنیا کی توجہ ہٹا نہیں سکتا۔بھارت کے عوام نے مودی کی نفرت کے خلاف بغاوت کر دی ہے۔
— Firdous Ashiq Awan (@Dr_FirdousPTI) December 23, 2019
انہوں نے کہا کہ مقبوضہ جموں کشمیر میں مہینوں سے کرفیو نافذ ہے۔ کشمیری مسلمانوں کی زندگیوں پر موت کے پہرے ہیں۔ امتیازی شہریت کے متنازع قانون نے مودی کی مسلمانوں کے خلاف نفرت کی تصدیق کردی ہے۔
اپنے ٹویٹ میں انہوں نے مزید کہا کہ دنیا دیکھ رہی ہے کہ مودی فسطائی ذہنیت کے ساتھ بھارت میں ہندتوا کے نظریے کو نافذ کرنا چاہتا ہے۔
مقبوضہ جموں کشمیر میں مہینوں سے کرفیو نافذ ہے۔کشمیری مسلمانوں کی زندگیوں پر موت کے پہرے ہیں۔امتیازی شہریت کے متنازع قانون نے مودی کی مسلمانوں کے خلاف نفرت کی تصدیق کردی ہے۔دنیا دیکھ رہی ہے کہ مودی فسطائی ذہنیت کے ساتھ بھارت میں ہندتوا کے نظریے کو نافذ کرنا چاہتا ہے۔
— Firdous Ashiq Awan (@Dr_FirdousPTI) December 23, 2019
