اشتہار

جمال خاشقجی کے قاتلوں کو سزائے موت

اشتہار

حیرت انگیز

ریاض: معروف سعودی صحافی جمال خاشقجی کے قتل کے جرم میں پانچ ملزمان کو سزائے موت کا حکم سنا دیا گیا۔

خبر رساں ادارے کے مطابق سعودی عرب ایک عدالت نے جمال خاشقجی قتل کیس کا فیصلہ سناتے ہوئے 5 ملزمان کو سزائے موت اور 3 کو مجموعی طور پر 24 سال قید کی سزا سنائی ہے۔

پبلک پراسیکیوٹر نے نیوز کانفرنس میں بتایا کہ سعودی رائل کورٹ کے سابق ایڈوائزر سے تفتیش کی گئی لیکن نامزد نہیں کیاگیا جب کہ سابق ڈپٹی انٹیلی جنس چیف احمدالاسیری ناکافی شواہد پر رہا کر دیا گیا ہے۔

- Advertisement -

یہ بھی پڑھیں: جمال خاشقجی میرے عہد میں قتل ہوا، ذمہ داری میری ہے، محمدبن سلمان

یاد رہے کہ معروف امریکی اخبار سے منسلک صحافی و کالم نگار جمال خاشقجی گزشتہ سال 2 اکتوبرکو ضروری کاغذات کے لیے استنبول میں واقع سعودی سفارت خانے گئے تھے تاکہ اپنی ترک نژادمنگیتر سے شادی کرسکیں اور سفارت خانے سے ہی لاپتہ ہوگئے تھے تاہم عالمی دباؤ کے بعد سعودی عرب نے جمال خاشقجی کی استنبول کے سعودی سفارت خانے میں موت کی تصدیق کی تھی۔

سعودی صحافی ولی عہد شہزادہ محمد بن سلمان اور ان کی پالیسیوں و وژن 2030 کے سخت ناقد تھے جس کی وجہ سے انہیں ریاست سعودیہ میں جان کا خطرہ لاحق جس کے باعث وہ کئی برسوں سے امریکا میں خود ساختہ جلا وطنی کی زندگی گزار رہے تھے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں