نئی دہلی: بھارت میں خاتون رکن اسمبلی کی جانب سے پرواز میں تاخیر کرنے پر مسافر نے انہیں آڑے ہاتھوں لے لیا جس کی ویڈیو وائرل ہوگئی۔
بھارتی میڈیا رپورٹس کے مطابق بھارتی جنتا پارٹی کی رکن اسمبلی کو پرواز میں تاخیر کرنا مہنگا پڑ گیا، مسافر نے پرگیا ٹھاکر کو کھری کھری سنادیں جس کی ویڈیو وائرل ہوگئی۔
رپورٹ کے مطابق ہفتے کے روز دہلی سے بھوپال جانے والی فلائٹ میں پرگیا ٹھاکر سوار تھیں ان کی وجہ سے پرواز میں تاخیر ہوئی تو مسافر نے کہا کہ سرکاری ملازمین عوام کی خدمت کریں ان کے لیے پریشانی کا باعث نہ بنیں۔
پرواز میں سوار لوگوں نے دوسرے مسافر کی تعریف کی جنہوں ںے سیاست دان کو اصولوں کو توڑنے اور منصب کا غلط استعمال کرنے کی اجازت دینے سے انکار کردیا۔
“Shame is a good word.”
Watch how a common man schools MP Pragya Thakur on how to behave like a good leader. Someone should find this guy and give him an award! pic.twitter.com/biKSGEJxu7— Voice Of Ram (@VORdotcom) December 23, 2019
سماجی رابطے کی ویب سائٹ ٹویٹر پر ایک صارف ماسالا بائی نے لکھا کہ ’یہ کون ہے جو پرگیا ٹھاکر کو آئینہ دکھا رہا ہے؟ کیا ہیرو ہے جب ہمت کی آگ جللائی جائے گی، جلد یا بدیر، لوگ ان کے خوف پر قابو پالیں گے اور بات کریں گے۔‘
ایک اور صارف بھاٹیا وینیتا نے لکھا کہ ’پریا ٹھاکر نااہل ہیں انہیں کورس کرایا جانا چاہئے کہ سرکاری ملازم کو عوام کے ساتھ کیسا برتاؤ کرنا چاہئے۔‘
Look who just got schooled!
I wonder how many passengers felt safe flying with the terrorist #PragyaThakur on board.
# https://t.co/vlhjm15qpk— Rahul Jha (@_dumbfoundead_) December 23, 2019
رپورٹ کے مطابق ٹھاکر نے اسپائس جیٹ کی فلائٹ ایس جی 2489 پر سیٹ بک ون کی تھی اور وہ ہفتہ کو ہی وہیل چیئر پر دہلی کے ہوائی اڈے آئی تھیں، ان سے کہا گیا کہ ایمرجنسی سے باہر نکلنے کے قریب والی نشست پر وہیل چیئر پر جانے والے مسافروں کے لیے نہیں ہے، عملے نے اس کو غیرہنگامی قطار والی سیٹ پر جانے کے لیے کہا لیکن انہوں نے انکار کردیا جس کی وجہ سے پرواز تاخیر کا شکار ہوئی۔
ویڈیو میں دیکھا جاسکتا ہے کہ ایک خاتون مسافر نے آئینہ دکھاتے ہوئے کہا کہ ہر ذمہ دار ووٹر کو یہی کرنا چاہئے، آپ کو کوئی شرم نہیں آرہی دوسرے مسافروں کو اذیت میں مبتلا کرتے ہوئے۔
