امریکی ریاست مزوری میں سابق گورنر کا بھانجا اور جج کا بیٹا دوست کے گھر جاتے ہوئے لاپتہ ہوگیا۔
مقامی امریکی نشریاتی ادارے کے مطابق 25 سالہ الیگزنڈر ہولڈن رات کے ڈھائی بجے دوست کے گھر جانے کے لیے اپنے گھر سے نکلا۔ ہولڈن کی گرل فرینڈ پیری کے مطابق وہ اسے کہہ کر نکلا کہ وہ رات اپنے دوست کے گھر پر گزارنے جارہا ہے۔
پیری کا کہنا ہے کہ ہولڈن کے دوست کا گھر اس کے گھر سے کچھ فاصلے پر واقع تھا اور درمیان میں ایک رننگ ٹریک پڑتا تھا۔ ہولڈن ایک میراتھون رنر تھا چنانچہ وہ اس ٹریک کو بھاگ کر عبور کیا کرتا تھا۔
اس کے مطابق ہولڈن کے ساتھ ممکنہ طور پر اسی ٹریک پر کوئی ناخوشگوار واقعہ پیش آیا ہے۔
25 سالہ ہولڈن ریاست مزوری کے جج کا بیٹا ہے جبکہ اس کے انکل باب ہولڈن مزوری کے گورنر بھی رہ چکے ہیں۔ واقعے کے بعد جج نے پولیس کو بتایا کہ اس سے قبل ایسا کبھی نہیں ہوا کہ ان کا بیٹا گھر سے بغیر بتائے غائب ہوگیا ہو۔
مقامی پولیس نے اپنے ٹویٹر اکاؤنٹ پر ہولڈن کی تصویر اور حلیہ پوسٹ کرنے کے بعد لوگوں سے مدد مانگی ہے کہ انہیں اس بارے میں کوئی اطلاع موصول ہو تو وہ فوراً پولیس کو اطلاع دیں۔
ATTEMPT TO LOCATE MISSING PERSON:
The Sacramento Police Department is asking for the community’s assistance in helping us locate a missing person. 25 year old Alexander Holden was last seen on December 31, 2019. He is 6 foot 1 and 190 LBS with brown hair and brown eyes. pic.twitter.com/17Tu4BjV1x
— Sacramento Police (@SacPolice) January 3, 2020
