کمپالا: مشرقی افریقا کے ملک یوگنڈا میں بچے کے کپڑے میں غیرقانونی کاسمیٹکس لے جانے والی خاتون کو گرفتار کر لیا گیا۔
تفصیلات کے مطابق یوگنڈا میں کسٹم آفیسر نے بچے کے بھیس میں ممنوعہ کاسمیٹکس اسمگل کرنے والی خاتون کو گرفتار کر لیا۔ یوگنڈا ریونیو اتھارٹی نے ٹویٹر پر تصاویر جاری کیں جس میں خاتون کی پیٹھ پر بچہ نظر آ رہا ہے۔
کسٹم حکام نے بتایا کہ بچہ ممنوعہ کاسمیٹکس سے بھرے پجامے کا ایک سیٹ نکلا۔ حکام نے بتایا کہ خاتون ایک بس میں ڈیموکریٹک جمہوریہ کانگو سے کاسمیٹکس اسمگل کرنے کی کوشش کر رہی تھی۔
On face value, it’s a mother carrying a child on her back.
In reality,it’s a smuggler bringing in carefully concealed banned cosmetics from DRC.
Intel had been gathered about this smuggling mode.Mpondwe enforcement nabbed her as she crossed via a shallow point of River Rubiiha. pic.twitter.com/I3gQVO6e4k
— Uganda Revenue Authority (@URAuganda) January 8, 2020
کسٹم حکام نے بتایا کہ خاتون اسمگلر سے پکڑے جانے والے کاسمیٹکس کے سامان پر یوگنڈا میں پابندی عائد ہے۔