19.8 C
Ashburn
بدھ, مئی 29, 2024
اشتہار

سعودی عرب میں فلپائن کی جڑی ہوئی بچیوں کے آپریشن کی تیاری

اشتہار

حیرت انگیز

سعودی ولی عہد کے حکم پر فلپائن کی 16 ماہ کی جڑی ہوئی بچیوں کو آپریشن کے ذریعے علیحدہ کرنے کے لیے مملکت لایا جا رہا ہے۔

سعودی خبر رساں ادارے سبق نیوز کا اس حوالے سے کہنا ہے کہ فلپائن میں سعودی سفیر ھشام بن سلطان القحطانی نے اپنے دفتر میں جڑی ہوئی بچیوں اور ان کے والدین سے ملاقات کی اور انہیں سعودی عرب بھیجنے کے حوالے سے تیاریوں کا جائزہ لیا۔

ریاض کے ہسپتال میں دونوں بچیوں کا مملکت کے فلیگ شپ پروگرام کے تحت آپریشن کیا جائے گا۔

- Advertisement -

اس سلسلے میں شاہ سلمان سینٹر کی جانب سے خصوصی طیارہ فلپائن پہنچ گیا ہے، فلپینی بچیوں عائشہ اور اکیزا کا اوپری حصہ ایک دوسرے سے جڑا ہوا ہے۔ بچیوں کو ان کے والدین سمیت مملکت لایا جائے گا۔

مملکت کی اعلٰی قیادت کی اس فیاضی اور ہمدردی پر جڑی ہوئی بچیوں کے والدین نے شکریہ ادا کیا اور نیک خواہشات کا اظہار کیا۔

اس موقع پر فلپائن میں سعودی سفارتخانے میں شاہ سلمان مرکز برائے فلاح انسانیت کی ٹیم اور فلپائن کے معاون وزیر خارجہ، ریڈ کراس کے صدر اور میڈیا سے تعلق رکھنے والے افراد بھی موجود تھے۔

جدہ انڈسٹریل سٹی کے کارخانے میں خوفناک آگ بھڑک اُٹھی

واضح رہے کہ 1990 سے اب تک سعودی عرب میں 25 ممالک کے 130 جڑے ہوئے بچوں کو آپریشن کے ذریعے علیحدہ کیا جا چکا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں