ریاض: سعودی عرب میں گاڑی لائسنس اور اس کے ملکیتی کارڈ کی تجدید وقت پر نہ کرنے کی صورت میں بھاری جرمانہ عائد ہوسکتا ہے، ٹریفک قوانین انتظامیہ نے خبردار کردیا۔
تفصیلات کے مطابق سعودی عرب میں گاڑی کے لائسنس اور گاڑی کے ملکیتی کارڈ کی مدت ختم ہونے پر اگر مقرر وقت میں تجدید نہیں کرائی گئی تو مالک پر بھاری جرمانہ عائد ہوگا۔
غیرملکی خبررساں ادارے کے مطابق سعودی ٹریفک قوانین کی شق 71 کے تحت لائسنس اور ملکیتی کارڈ کے ایکسپائر ہونے پر ان کی تجدید 60 دن کے اندر اندر کرانی ہوگی بصورت دیگر 100 ریال کا جرمانہ ہوگا۔ جرمانے کی رقم 60 دن کے بعد ہی وصول کی جائے گی۔ 100 ریال ایک سال کا جرمانہ تصور کیا جائے گا۔
سعودی محکمہ پاسپورٹ نے غیرملکیوں کو وارننگ دے دی
اسی طرح ایک برس سے ایک دن بھی زائد ہوگیا اور تجدید نہیں کرائی گئی تو یہ دوسرا سال تصور کیا جائے گا جس کا جرمانہ 200 ریال ہوگا۔ گاڑی مالکان اور ڈرائیور کو غفلت برتنے پر 300 ریال تک کا بھی جرمانہ عائد ہوسکتا ہے۔
جبکہ لائسنس اور ملکیتی کارڈ کے ایکسپائری تاریخ سے 180 دن قبل بھی ادارے سے تجدید کرائی جاسکتی ہے۔
