پیانگ یانگ: شمالی کوریا میں گھر میں لگنے والی آگ سے ملک کے سابق سربراہان کی تصاویر کو بچانے کی بجائے بچوں کو بچانا ماں کا جرم بن گیا۔
تفصیلات کے مطابق شمالی کوریا کے علاقے اونسوگ میں ماں کو اپنے بچوں کو گھر میں لگنے والی آگ سے بچانے پر جیل کا سامنا کرنا پڑسکتا ہے۔
شمالی کوریا کے قانون کے مطابق ہر گھر کی دیوار پر ماضی کے رہنماؤں کی تصاویر لگانا ضروری ہے اور ان کی برحرمتی کرنا سنگین جرم تصور کیا جاتا ہے۔
مقامی اخبار کے مطابق خاتون کو جرم ثابت ہونے پر سخت مشقت کے ساتھ طویل قید کی سزا کرنا پڑے گا، تفتیش کے دوران خاتون نہ ہی اپنے بچوں کو علاج کے لیے اسپتال لے جاسکتی ہے اور نہ ہی ان کے لیے دوائی لے سکتی ہے۔
واضح رہے کہ 2015 میں ایک انٹرویو کے دوران جون یو سانگ نے بتایا تھا کہ شمالی کوریائی باشندوں نے کیسے آگ اور سیلاب سے اپنے رہنماؤں کی تصاویر کو بچایا اور اس عمل میں کئی شہریوں نے اپنی جان بھی گنوا دی۔
