تہران : ایرانی سپریم لیڈر آیت اللہ خامنہ ای طیارہ حادثے پر اظہار افسوس کرتے ہوئے حادثے کی تحقیقات کا مطالبہ کردیا اور ایرانی افواج کوخامیاں دورکرنے کی ہدایت بھی کی۔
تفصیلات کے مطابق ایرانی حکام کے یوکرین طیارے کی تباہی کے اعتراف کے بعد ایرانی سپریم لیڈر آیت اللہ خامنہ ای نے طیارہ حادثے پر اظہار افسوس کیا اور ایرانی افواج کو خامیاں دورکرنے کی ہدایت کردی۔
ایرانی سپریم لیڈر آیت اللہ خامنہ ای نے یوکرین طیارے کی تباہی کی تفصیلات بھی طلب کرتے ہوئے حادثے کی تحقیقات کا مطالبہ کردیا۔
یاد رہے ایران نے یوکرین کے مسافر طیارے کو غلطی سے نشانہ بنانے کا اعتراف کرتے ہوئے کہا تھا کہ مسافر طیارہ نادانستہ طور پر حملے کا نشانہ بنا۔
مزید پڑھیں : یوکرین طیارہ میزائل کا نشانہ بنا ، ایران کا بڑا اعتراف
غیر ملکی خبر ایجنسی کے مطابق ایران نے مسافر طیارہ حادثے کا سبب انسانی غلطی کو قراردیا ، ملٹری حوالے سے بتایا گیا کہ ایران نے ’غیر ارادی‘ طور پر طیارے کو نشانہ بنایا۔
طیارے کی تباہی کےاعتراف کے بعد ایرانی وزیر خارجہ جواد ظریف ان کا کہنا تھاکہ وہ ایرانی عوام ،متاثرہ خاندانوں اور قوموں سے بہت معذرت اورتعزیت کرتے ہیں،امریکا کے ایڈونچرزم کے باعث پیدا بحران میں انسانی غلطی سے تباہی ہوئی،آج افسوسناک دن ہے، مسلح افواج کی اندرونی ابتدائی تحقیقات سے غلطی کا پتہ چلا۔
