واشنگٹن: امریکی صدر ڈونلڈ ٹرمپ نے ایران پر اپنے ہی شہریوں کو قتل کرنے کا ہولناک الزام عائد کر دیا۔
سماجی رابطے کی ویب سائٹ ٹوئٹر پر جاری بیان میں امریکی صدر نے کہا کہ ایرانی رہنما اپنے ملک میں احتجاج کرنے والوں کو قتل نہ کریں، پہلے ہی ایرانی قید میں ہزاروں لوگ ہلاک ہوچکے ہیں اور دنیا یہ سب کچھ دیکھ رہی ہے۔
ڈونلڈ ٹرمپ نے کہا کہ عظیم ایرانی عوام کا قتل بند کیا جائے، امریکا نے ایران پر نظر رکھی ہوئی ہے، ایران انٹرنیٹ سے پابندیاں ہٹائے اور رپورٹرز کو آزادی دے۔
To the leaders of Iran – DO NOT KILL YOUR PROTESTERS. Thousands have already been killed or imprisoned by you, and the World is watching. More importantly, the USA is watching. Turn your internet back on and let reporters roam free! Stop the killing of your great Iranian people!
— Donald J. Trump (@realDonaldTrump) January 12, 2020
واضح رہے کہ امریکی صدر کی جانب سے یہ ردعمل یوکرینی طیارہ غلطی سے مار گرانے جانے کے ایرانی اعتراف کے بعد ہونے والے مظاہروں کے تناظر میں سامنے آیا ہے۔
یہ بھی پڑھیں: ٹرمپ نے ایرانی مظاہرین کی حمایت کردی
قبل ازیں ٹرمپ نے فارسی زبان میں ٹویٹ کرتے ہوئے ایرانی مظاہرین کی ہمت کو داد دی اور اُن کے عزم کو سراہتے ہوئے کہا کہ بہادر،طویل عرصےسےمصائب کا شکار ایرانی قوم کےنام میرا پیغام ہے کہ ہم ایران میں مظاہروں کی قریب سے پیروی کررہے ہیں۔
انہوں نے لکھا کہ ہم ایرانی مظاہرین کی ہمت سےمتاثر ہیں، میں اپنے عہد صدارت کی ابتدا سےہی ایرانی عوام کےساتھ ہوں، میری انتظامیہ ایرانی مظاہرین کےساتھ کھڑی رہےگی، ایران میں احتجاج کےدوران زمینی حقائق رپورٹ کرنے کی اجازت دی جائے۔
