ممبئی: آسٹریلیا کے خلاف میچ میں بھارتی کپتان نے قوانین کی دھجیاں بکھیر دیں جب کہ امپائر نے بھی قانونی شکنی پر آنکھیں بند کر لیں۔
دوسرے ون ڈے میں ویرات کوہلی رن بنانے کےدوران پچ کے بیچ میں دوڑتے رہے لیکن امپائر نے اس پر کوئی ایکشن نہیں لیا، ممنوعہ حصے میں بھاگنے پر امپائر نے بھی نوٹس نہیں لیا اور معاملے کو نظر انداز کردیا۔
Different rules for India?
Virat Kohli got away with the same thing that cost Australia five runs against New Zealand https://t.co/z1apyfvd7r pic.twitter.com/4sgzZmi6t7
— Fox Cricket (@FoxCricket) January 17, 2020
واقعے پر آسٹریلوی کمنٹیٹر مائیکل سلیٹر نے نشاندہی کرتے ہوئے بتایا کہ کس طرح امپائر نے قوانین کی دھجیاں اڑانے والے پلیئر کے خلاف کوئی ایکشن نہیں لیا، انہوں نے کہا کہ اگر میں امپائر ہوتا اور یہ سب دیکھتا تو پلیئر کو ضرور وارننگ دیتا، اگر فیلڈ امپائر معاملے کو نظر انداز بھی کرتا ہے تو تھرڈ امپائر کو اس کا نوٹس لینا چاہیے۔
Always different rules for @BCCI.
— Shon (@shono360) January 18, 2020
قانون کے تحت اگر کسی ٹیم کا پلیئر میچ کے دوارن پچ کے بیچ میں چلتا ہے تو اس ٹیم کے 5 رنز بطور سزا کٹوتی کی جاتی ہے، حال ہی میں آسٹریلیا اور نیوزی کے دوران ٹیسٹ میچ میں پاکستانی امپائر علیم ڈار نے آسٹریلوی ٹیم پر 5 رنز کا جرمانہ کیا تھا۔
Unfair. Some strange umpiring. Who’s the umpire?
— CHUCK07 (@jason00279272) January 18, 2020
بھارت کی کھلم عام خلاف ورزی پر کرکٹ حلقوں نے آئی سی سی کو سخت تنقید کا نشانہ بنایا ہے، سوشل میڈیا پر صارفین نے لکھا کہ بھارت کے لیے الگ قوانین کیوں ہیں؟ کیا بھارتی ٹیم قوانین سے بالا تر ہے؟
