ڈیوس: وزیر اعظم عمران خان سے یوٹیوب کی چیف ایگزیکٹو آفیسر سوزن ووجکیکی اور سیمنز کے سی ای او جوئی کائیسر کی ملاقاتیں ہوئیں۔
تفصیلات کے مطابق وزیر اعظم عمران خان سے ڈیوس میں آٹو میشن کمپنی سیمنز کے چیف ایگزیکٹو آفیسر (سی ای او) جوئی کائیسر کی ملاقات ہوئی، ملاقات میں مشیر تجارت عبد الرزاق داؤد، معاون خصوصی زلفی بخاری اور معاون برائے اور سیز سرمایہ کاری علی جہانگیر صدیقی موجود تھے۔
ملاقات میں ٹیکنالوجی کے فروغ اور سرمایہ کاری پر مبنی مہارت کی منتقلی پر تبادلہ خیال ہوا۔
Mr. Joe Kaeser, CEO of Siemens called on PM @ImranKhanPTI at Davos, on the sidelines of WEF Annual Meeting 2020. Advisor on Commerce Abdul Razaq Dawood, SAPM Syed Zulfiqar Abbas Bukhari, Amabssador at large on Investments Ali Jehangir Siddiqui were also present.#ImranKhanInDavos pic.twitter.com/7yRN5XQ27l
— PTI (@PTIofficial) January 22, 2020
بعد ازاں وزیر اعظم عمران خان سے یوٹیوب کی چیف ایگزیکٹو آفیسر سوزن ووجکیکی کی بھی ملاقات ہوئی۔ ملاقات میں ڈیجیٹل پلیٹ فارم سے پاکستان میں سیاحت و سرمایہ کاری کے فروغ پر بات چیت کی گئی۔
Ms. Susan Wojcicki, CEO of YouTube called on Prime Minister @ImranKhanPTI at Davos, on the sidelines of WEF Annual Meeting 2020. SAPM Syed Zulfiqar Abbas Bukhari and Amabssador at large on Investments Ali Jehangir Siddiqui were also present.
#ImranKhanInDavos #WEF2020 pic.twitter.com/59u7GTrlHv— PTI (@PTIofficial) January 22, 2020
اس سے قبل ڈیوس میں پاکستان اسٹریٹجی ڈائیلاگ سے خطاب کرتے ہوئے وزیر اعظم کا کہنا تھا کہ پاکستان سیاحوں کی جنت ہے جہاں مذہبی سیاحت کے مقامات کو کبھی فروغ نہیں ملا۔
انہوں نے کہا تھا کہ پاکستان کی سرزمین کئی قدیم تہذیبوں کا مسکن ہے، سیاحت کو فروغ دے کر ملکی معیشت کو ترقی دی جا سکتی ہے۔ پاکستان زراعت اور قدرتی وسائل سے بھی مالا مال ہے۔
وزیر اعظم نے کہا تھا کہ ملکی صنعتی ترقی کے لیے منصوبہ بندی کر رہے ہیں۔ 70 کی دہائی میں قومیائی گئی صنعتوں کے باعث ترقی کو نقصان پہنچا۔
