نئی دہلی: بھارتی ریاست راجستھان کے رانتھامبور نیشنل پارک میں موجود کابلی ریچھ نے گشت کرنے والے چیتوں کو چھیڑ چھاڑ کے بعد بھاگنے پر مجبور کردیا۔
سماجی رابطے کی ویب سائٹ ٹویٹر پر وائرل ہونے والی ایک منٹ 21 سیکنڈ کی ویڈیو راجیو سبھا کے رکن پریمال نتھوانی نے شیئر کی جس میں دو چیتوں اور ایک ریچھ کو واضح طور پر دیکھا جاسکتا ہے۔
ویڈیو میں دیکھا جاسکتا ہے کہ ایک چیتے نے ریچھ کے قریب جانے کی کوشش کی تو اُسے غصہ آگیا۔
ریچھ نے غصے میں آکر پہلے اپنے قریب آنے والے چیتے کو بھگایا اور پھر روایتی طور پر دونوں پیروں پر کھڑے ہوکر چیتوں کو ڈرایا۔
جب خونخوار چیتوں نے بھالو کا غصہ دیکھا تو وہاں سے دور جانے کو ہی غنیمت جانا اور پھر دونوں واپس اُسی طرف چلے گئے جہاں سے آئے تھے۔
This video captures an unexpected #clash between #Tiger & Sloth Bear in #Rajasthan’s @ranthamborepark. Just as the Tiger seems to dominate the unaware Sloth Bear, it springs at the Tiger and scares it off! #Wildlife is full of such wonders & surprises.@ParveenKaswan @WWFINDIA pic.twitter.com/bbyfP6uFuZ
— Parimal Nathwani (@mpparimal) January 21, 2020
پریمال نتھوانی نے سماجی رابطے کی ویب سائٹ پر ویڈیو شیئر کرتے ہوئے اسے ناقابلِ یقین جھگڑا قرار دیا۔ ویڈیو کو اب تک ہزاروں افراد دیکھ چکے جبکہ اسے سیکڑوں نے لائیک اور ری ٹویٹ بھی کیا۔
