کراچی: وزیراعلیٰ سندھ مراد علی شاہ کا کہنا ہے کہ کچرے سے بجلی بنانے کا منصوبہ شروع کرنا چاہتے ہیں۔
تفصیلات کے مطابق کراچی میں وزیراعلیٰ سندھ مراد علی شاہ سے ورلڈ بینک کے سینئر حکام نے ملاقات کی جس میں شہروں میں پینے کے پانی کے منصوبوں پر تبادلہ خیال کیا گیا، دیہی علاقوں میں زرعی پانی کے صحیح استعمال پر بھی بات چیت کی گئی۔
اس موقع پر وزیراعلیٰ سندھ کا کہنا تھا کہ شہری علاقوں میں صنعتی ترقی کے لیے کام کر رہے ہیں، دیہی علاقوں میں زراعت کی ترقی ترجیح ہے۔
مراد علی شاہ کا کہنا تھا کہ 550پروکیورمنٹ تربیت یافتہ افسران سندھ حکومت میں ہیں، کچرے سے بجلی بنانے کا منصوبہ شروع کرنا چاہتے ہیں۔
نیا سال ترقیاتی کاموں کو مکمل کرنے کا سال ہے، وزیراعلیٰ سندھ
یاد رہے کہ رواں ہفتے 7 جنوری کو وزیراعلیٰ سندھ مراد علی شاہ کا کہنا تھا کہ نیا سال ترقیاتی کاموں کو مکمل کرنے کا سال ہے، یہ سال تعلیم کے شعبے میں مزید بہتری لانے کا سال ہے۔
وزیراعلیٰ سندھ کا کہنا تھا کہ نیا سال نئے جذبے، نئی لگن سے عوام کی خدمت کا سال ہے، غربت کا خاتمہ، ٹڈی دل کا خاتمہ، ترقیاتی کاموں کو مکمل کرنے کا سال ہے۔
