کراچی : پیپلز پارٹی کے چیئرمین بلاول بھٹو زرداری نے اپنی بہن بختاور بھٹو زرداری کو سالگرہ کی مبارک باد دیتے ہوئے کہا خدا آپ کو ہمیشہ اپنی والدہ کا فخر بنائے رکھے۔
تفصیلات کے مطابق پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ٹوئٹر پر اپنی بہن بختاور بھٹو زرداری کی سالگرہ کے موقع پر اپنے پیغام میں کہا بختاورکسی براجمان وزیراعظم کےیہاں جنم لینے والی پہلی اولادتھیں، انھوں نے اپنی زندگی کے پہلے دن سے تاریخ بنانا شروع کی۔
بلاول بھٹو کا کہنا تھا کہ بختاور بھٹو کو ان کی سالگرہ کی مبارک باد دیتا ہوں، خدا آپ کو ہمیشہ اپنی والدہ کافخر بنائے رکھے۔
30 years ago my sister @BakhtawarBZ became the first child ever born to a sitting Prime Minister. Already made history at one day old! Happy birthday & may you always make our mother proud. 💫 🌟 ⭐️ pic.twitter.com/wfLBUZQEST
— BilawalBhuttoZardari (@BBhuttoZardari) January 25, 2020
یاد رہے بختاور بھٹو زرداری آج اپنی 30 ویں سالگرہ منا رہی ہے، وہ 25 جنوری 1990 کو پاکستان کے صوبے سندھ میں پیدا ہوئیں ، وہ پاکستان کی سابق وزیر اعظم محترمہ بے نظیر بھٹو اور پاکستان کے سابق صدر آصف علی زرداری کی سب سے بڑی بیٹی جبکہ پاکستان پیپلز پارٹی کے بانی ذو الفقار علی بھٹو کی نواسی ہیں۔
بختاور بھٹو زرداری سوشل میڈیا پر اپنی سیاسی اور دلچسپ سرگرمیوں کی وجہ سے خاصی متحرک ہیں۔
