جمیکا : جمیکا کے ساحل کے قریب7.7شدت کے زلزلے نے سب کچھ ہلا کر رکھ دیا، زلزلے کے بعد سونامی وارننگ جاری کردی گئی جبکہ زمین میں گڑھے پڑ گئے۔
تفصیلات کے مطابق جمیکا اور کیوبا کے درمیانی علاقے میں 7۔7 شدت کے زلزلہ آیا ، جس کے باعث عمارتیں بری طرح متاثر ہوئی اور سڑکوں پر بھی گڑھے پڑ گئے ہیں، زلزلے کے بعد بعد امریکی قومی موسمیاتی ادارے کی جانب سے سونامی الرٹ جاری کر دیا گیا ہے۔
غیر ملکی خبر رساں ایجنسی کے مطابق زلزلے کا مرکز جمیکا اور کیوبا کے درمیان سمندر میں 6.2 میل کی سطحی گہرائی میں تھا، ابتدائی طور پر کسی قسم کے جانی نقصان کی کوئی اطلاعات نہیں۔
بین الاقوامی سونامی انفارمیشن سنٹر کا کہنا تھا کہ سونامی کی لہر کا بڑے پیمانے پر پہلا خطرہ گزر چکا تھا، تاہم 1 فٹ تک کی معمولی سطح پر اتار چڑھاؤ ممکن ہیں۔
زلزلے کے جھٹکے امریکہ کی ریاست فلوریڈا میں بھی محسوس کیے گئے، جہاں باعث عمارتوں کے شیشے ٹوٹ گئے ہیں۔
مزید پڑھیں : ترکی میں 6.8 شدت کا زلزلہ
یاد رہے رواں ماہ کی 25 جنوری کو ترکی میں بھی 9۔6 شدت کا خوفناک زلزلہ آیا تھا، جس میں بھاری جانی نقصان ہوا تھا، زلزلے کے جھٹکے ترکی کے علاوہ اسرائیل، عمان، شام، اردن، لبنان اور دیگر ممالک میں بھی محسوس کیے گئے تھے۔
واضح رہے 2020ء کے آغاز میں ہی ماہرین نے پیشن گوئی کی تھی کہ رواں سال دنیا کے مختلف خطوں میں تباہ کن زلزلے آنے کا خدشہ ہے۔
