اسلام آباد: پاکستان آنےوالے غیر ملکی پاکستان کی خوبصورتی اور دلکشی کے دیوانے ہوگئے، برطانوی ہائی کمشنر کے بعد جرمن سفیر بھی پاکستان کی تعریف کئے بغیر نہ رہ سکے۔
تفصیلات کے مطابق غیر ملکی بھی پاکستان کےگن گانے لگے، جرمن سفیر نےپاکستان میں ٹرین کا سفر کیا اور کہا ٹرین میں اسلام آباد سے کراچی کا چھبیس گھنٹے کا سفرکیا اور دیگرمسافروں سے گفتگوکوانجوائے کیا، یہ سفر شاندارتجربہ تھا،شکریہ پاکستان ریلوے۔.
I love train rides – they are a great way to discover a country. So I went on a train journey from #Islamabad to #Karachi – 26 hours in total! Amazing experience – thank you @PakrailPK. I particularly enjoyed chatting with fellow voyagers. Have a look at the video about my trip: pic.twitter.com/0C5teijvHt
— Bernhard Schlagheck (@GermanyinPAK) January 29, 2020
جرمن سفیردوران سفر پاکستان کےدلکش نظاروں میں کھوگئے، انہوں نے پنوں عاقل میں شکرقندی خریدی جبکہ بریانی بھی کھائی۔
اس سے قبل برطانوی ہائی کمشنرکرسچین ٹرنرنے بھی اعتراف کیاکہ پاکستان میں دہشت گردی کیخلاف زبردست کام ہوا،بڑی قربانیوں کےبعد پاکستان میں امن قائم ہوا، برطانوی شہری پاکستان کی حسین وادیوں کی سیر کر سکتے ہیں۔
کرسچین ٹرنر کا کہنا تھا کہ پاکستانی کھانے بہت مزے دار ہیں، آپ مجھے دال، ساگ کچھ بھی کھلائیں بہت پسند ہے، دو بار لاہور اور کراچی آیا، ابھی اسلام آباد میں ہوں، جمیا نئیں لاہور کی بات سے برطانوی کہاوت یاد آتی ہے، کہاوت ہے جو لندن میں تھک گیا وہ زندگی سے تھک گیا، لاہور اور لندن سے سمجھیں میں دو بار پیدا ہوا ہوں۔
خیال رہے گزشتہ دو سال سے عالمی سطح پرپاکستان سیاحوں کے لئے جنت قرار دیا گیاہے۔
