اسلام آباد : وزیراعظم عمران خان نے چینی برآمدکرنے پر پابندی عائدکرنےکافیصلہ کرلیا، ٹیکس اور امپورٹ ڈیوٹی کے بغیر درآمد ملکی پیداوار کے مقابلے چینی سستے نرخ پر دستیاب ہوگی۔
تفصیلات کے مطابق عوام کی مشکلات کے پیش نظر وزیراعظم نے چینی برآمدکرنے پر پابندی عائد کرنے کا بڑا فیصلہ کرلیا ہے ، قیمت میں اضافے،مصنوعی قلت کے تدارک کیلئےفیصلہ کیاگیا ہے۔
وزیراعظم کی جانب سے 1100ملین ٹن چینی کےباقی ماندہ کوٹےکی برآمد نہ کرنے کیلئے اقتصادی رابطہ کمیٹی سے رجوع کرنے اور وفاقی سطح پر کامرس ڈویژن کو3لاکھ ملین ٹن چینی درآمد کرنے کا کہا گیا ہے۔
فیصلے کے بعد ٹیکس اور امپورٹ ڈیوٹی کے بغیر درآمد ملکی پیداوار کے مقابلے چینی سستے نرخ پر دستیاب ہوگی۔
ادارہ شماریات کے مطابق چینی کی ہفتہ وارقومی ریٹیل پرائس79.06روپےفی کلوہے اور عالمی تنظیموں کےمطابق یہ قیمت اس وقت62.60 روپے فی کلو گرام ہے۔
دوسری جانب چینی کی قیمت میں پھر اضافہ ہوگیا اور چینی کی سوکلو کی بوری کی ایکس مل قیمت 7800 روپےہوگئی ، بوری کی قیمت 2روز میں200 روپے بڑھی۔
پرچون مارکیٹ میں چینی82 روپےفی کلو سے تجاوزکرگئی ہے جبکہ مارکیٹ ڈیلرز نے چینی کی قیمتوں میں مزیداضافےکاخدشہ ظاہر کردیا ہے۔
