بنکاک: تھائی لینڈ کے ڈاکٹر نے کرونا وائرس کے علاج میں ابتدائی کامیابی حاصل کرنے کا دعویٰ کیا ہے۔
غیرملکی خبررساں ادارے کی رپورٹ کے مطابق کرونا وائرس کے علاج میں تھائی لینڈ کے ڈاکٹر کو ابتدائی کامیابی ملی ہے، دوا دینے کے 48 گھنٹے بعد ہی حوصلہ افزا نتائج آنا شروع ہوگئے۔
تھائی ڈاکٹر کاکہنا ہے کہ ایچ آئی وی مرض کی دواؤں سے کامیابی حاصل ہوئی ہے، دوا دینے کے 48 گھنٹے بعد حوصلہ افزا نتائج حاصل ہورہے ہیں، طریقہ کارگر ثابت ہورہا ہے، علاج سے پہلے مزید تحقیق کی ضرورت ہے۔
ڈاکٹرکے مطابق چینی حخام ایچ آئی وی کرونا وائرس ادویات ملا کر استعمال کررہے ہیں۔
مزید پڑھیں: کرونا وائرس سے ہلاک افراد کی تعداد 304 ہوگئی، فلپائن میں بھی 1 شخص ہلاک
واضح رہے کہ چینی حکام کا کہنا تھا کہ کرونا وائرس پھیلنے کے خدشے کے پیش نظر لوگوں کو کسی بھی تقریب حتیٰ کہ آخری رسومات میں بھی شرکت سے گریز کرنا چاہیے۔
یاد رہے کہ چین سے پھیلنے والے کرونا وائرس کی وبا شدت اختیار کرچکی ہے، اب تک صرف چین میں ہی 300 سے زائد مریض اپنی جانوں کی بازی ہار چکے جبکہ 15000 سے زائد متاثر بھی ہیں جن میں سے دو ہزار سے زائد کی حالت تشویشناک ہے۔
عالمی ادارہ صحت نے کرونا کی وجہ سے دنیا بھر میں ایمرجنسی نافذ کردی جبکہ متعدد ممالک نے چین سے ہر قسم کے رابطے بھی ختم کردیے۔
کرونا وائرس نے سب سے زیادہ ووہان شہر کو متاثر کیا، حکومت نے اس شہر کو مکمل سیل کردیا ہے اور اب صورتحال یہ ہے کہ ایک کروڑ سے زائد آبادی والے شہر میں سناٹا چھایا ہوا ہے۔
