ابوظبی : اماراتی حکام نے خفیہ اطلاعات کی بنیاد پر 235 کلو نشہ آور پان اور 17 ہزار سے زائد نامعلوم سگریٹ کے ڈبے ضبط کرلیے۔
تفصیلات کے مطابق متحدہ عرب امارات کی ریاست راس الخیمہ کی پولیس نے ایک گودام سے ہزاروں کی تعداد میں نامعلوم سگریٹ کے پیکٹ، کئی سو کلو نشہ آور پان اور دیگر ممنوعہ اشیاء برآمد ہوئی ہیں۔
راس الخیمہ بلدیہ نے وزارت انسانی وسائل اور پولیس کے اشتراک سے ، صفائی اور بجلی کے کام انجام دینے والی کمپنی کے دفتر پر چھاپہ مارا تھا۔ اطلاع کے مطابق ملزمان بالائی منزل میں ممنوعہ چیزیں محفوظ کرتے ہوئے رنگے ہاتھوں پکڑے گئے ہیں۔
مقامی میڈیا کا کہنا تھا کہ 235.2 کلوگرام تک ممنوعہ نشہ آور پان اور 17،180 بکس سگریٹ کی نامعلوم پکٹ ملے۔
چھاپہ مار کارروائی کے دوران برآمد ہونے والی اشیاء میں آٹھ بوریاں چاول بھی شامل ہیں، ہر ایک 285 کلوگرام ہے، 96 بوتلیں سافٹ ڈرنک، 45 کلو دال کے بیج اور 429 انڈے بھی برآمدہ ہوئے ہیں۔
ذرائع نے بتایا کہ اشیائے خوردونوش اور ممنوعہ اشیاء کو ضبط کرلیا گیا جبکہ کمپنی پر بھاری جرمانہ بھی عائد کیا گیا۔
صحت اور ماحولیات کو خطرہ پیدا کرنے پر متحدہ عرب امارات میں پان پر پابندی عائد ہے۔ "یہ شہر کو داغدار کرتا ہے۔
