واگادوگو: افریقی ملک برکینا فاسو میں موٹر سائیکل سوار دہشت گردوں نے شہریوں پر گولیوں کی برسات کردی جس کے نتیجے میں 18 افراد ہلاک اور متعدد زخمی ہوگئے۔
غیرملکی خبررساں ادارے کی رپورٹ کے مطابق برکینا فاسو کے صوبے سینو میں ہلاکتوں کا یہ لرزہ خیز واقعہ سامنے آیا۔ حملے کے بعد مقامی افراد نے نقل مقانی شروع کردی۔
مقامی انتظامیہ کا کہنا ہے کہ حملے کے بعد علاقے میں افرا تفریح مچ چکی ہے، ہلاک ہونے والوں میں بچے اور خواتین بھی شامل ہیں، تاہم اب تک کسی بھی دہشت گرد گروہ نے حملے کی ذمہ داری قبول نہیں کی۔
اس سے قبل سوئم صوبے میں بھی اسی طرح کی دہشت گردی کا واقعہ سامنے آیا تھا، مذکورہ حملے میں 39 افراد جان کی بازی ہار گئے تھے۔ خیال رہے کہ امریقی ملک برکینا میں مختلف دہشت گرد گروہ سرگرم ہیں جو ملک میں انتہا پسندانہ کارروائیوں میں ملوث رہے ہیں۔
دہشت گرد تنظیموں نے متعدد بار ملکی فورسز کو بھی نشانہ بنایا۔ جبکہ یورپی ملک فرانس نے اپنے حالیہ بیان میں یقین دہانی کرائی ہے کہ وہ شمالی افریقہ میں اپنے مزید 600 فوجی اہلکار تعینات کرے گا۔
