ابوظبی : شیخ خلیفہ بن زاید النہیان نے سیکڑوں اماراتی شہریوں کے رہائشی قرضے معاف کرکے انسانیت کی تاریخ رقم کردی۔
غیر ملکی خبر رساں ادارے کی رپورٹ کے مطابق انسانی ہمدردی پر مبنی یہ حکم نامہ متحدہ عرب امارات کے صدر و ابوظبی کے حاکم شیخ خلیفہ بن زاید آل نہیان کی جانب سے جاری کیا گیا ہے۔
اماراتی صدر کی جانب سے ریٹائرڈ شہریوں کے قرضے معاف کرنے کا حکم نامہ جاری کیا گیا ہے۔
مقامی خبر رساں ادارے کا کہنا تھا کہ 429 ریٹائرڈ اماراتی شہریوں پر 44 کروڑ 40 درہم کے واجب الادا قرضے تھے۔
خیال رہے کہ متحدہ عرب امارات میں مقامی شہریوں کو مکانات کے لیے آسان شرائط پر قرضے فراہم کیے جاتے ہیں، ریٹائر ہونے پر باقی اقساط معاف کی گئی ہیں۔
اماراتی اخبار الیوم کے مطابق شیخ خلیفہ بن زاید نے ابوظبی کے ولی عہد اور افواج کے نائب سربراہ شیخ محمد بن زاید آل نہیان کو فیصلے پر عمل درآمد کی ہدایات جاری کردی ہیں۔
نئے صدارتی فیصلے کے مطابق امارات کے 640 شہریوں کے رہائشی قرضے معاف ہوچکے ہیں۔
