لاہور : پنجاب اسٹیڈیم میں کبڈی ورلڈ کپ کی رنگا رنگ افتتاحی تقریب کا انعقاد کیا گیا، مہمان خصوصی وزیراعلیٰ عثمان بزدار اور پنجاب اسمبلی کے اسپیکر پرویز الہی نے کبڈی ورلڈ کپ کا افتتاح کیا۔
تقریب سے خطاب کرتے ہوئے چوہدری پرویز الہیٰ نے کہا کہ ورلڈ کپ کے پاکستان میں انعقاد پر خوشی ہے، کبڈی کا کھیل اب عالمی سطح پر کھیلاجارہا ہے، انٹرنیشنل ٹورنامنٹ کا انعقاد پاکستان کیلئے اعزاز کی بات ہے، پاکستانی کھیلوں سے محبت کرنے والے لوگ ہیں۔
وزیراعلیٰ پنجاب عثمان بزدار نے اپنے خطاب میں کہا کہ لاہور میں کبڈی ورلڈ کپ کاانعقاد ہمارے لیے اعزاز کی بات ہے۔
قبل ازیں افتتاح کے موقع پر وزیراعلیٰ پنجاب نے ٹیموں سے قواعد و ضوابط کی پابندی کاحلف لیا، کبڈی ورلڈ کپ میں شریک ٹیموں نے پنجاب اسٹیڈیم میں مارچ پاسٹ کیا، وزیراعلیٰ پنجاب عثمان بزدار نے کبڈی ورلڈ کپ کا افتتاح کردیا۔
