کراچی کے علاقے نارتھ ناظم آباد میں 4 سالہ بچی سے زیادتی کی کوشش کرنے والے ملزم کو گرفتار کر لیا گیا۔
تفصیلات کے مطابق واقعہ بلاک ایچ کوثرنیازی کالونی میں پیش آیا جہاں شہریوں نے بچی سے زیادتی کی کوشش ناکام بنادی۔
پولیس کا کہنا ہے کہ بچی سے زیادتی کی کوشش کرنے والے شخص کو گرفتار کر لیا گیا ہے جب کہ بچی کا میڈیکل کروایا جارہا ہے۔
یہ بھی پڑھیں: نیو کراچی : معصوم بچی سے زیادتی کرنے والا ملزم گرفتار
ایس ایس پی سینٹرل کا کہنا ہے کہ بچی کو میڈیکل کروانے کے لیے اسپتال منتقل کردیا گیا ہے اور ٹیسٹ کی رپورٹ آنے کے بعد مزید کارروائی آگے بڑھائی جائے گی۔
ایس ایس پی نے بتایا کہ واقعے کا مقدمہ حیدری تھانے میں درج کر لیا گیا ہے اور واقعے سے متعلق شہریوں کے بیانات قلمبند کیے جارہے ہیں۔
