راولپنڈی: بنگلادیش کے خلاف ہیٹ ٹرک بنا کر کم عمر ترین بولر کا ریکارڈ اپنے نام کرنے والے نسیم شاہ نے کہا ہے کہ میں کچھ بھی نہیں ہوں، یہ صرف میری ماں کی دعائیں ہیں۔
راولپنڈی ٹیسٹ کے تیسرے روز کھیل کے اختتام پر ہیٹ ٹرک کرنے والے نسیم شاہ نے پریس کانفرنس میں کہا کہ ہیٹ ٹرک کرنے پر اللہ کاشکر ادا کرتا ہوں، اپنےجذبات لفظوں میں بیان نہیں کرسکتا، میں کچھ بھی نہیں،یہ صرف میری ماں کی دعائیں ہیں۔
یہ بھی پڑھیں: نسیم شاہ ٹیسٹ کرکٹ میں ہیٹ ٹرک کرنے والے کم عمر بولر بن گئے
ابھرتے ہوئے اسٹار فاسٹ بولر نے کہا کہ ہمیشہ سےچاہتا ہوں کرکٹ میں کچھ ایسا کروں کہ لوگ یاد رکھیں، راولپنڈی کے کراؤڈ نے بہت سپورٹ کیا اور حوصلہ بڑھایا۔
https://twitter.com/Jhanzaib_S/status/1226479611510476807?s=20
نسیم شاہ نے بنگلادیش کے خلاف دوسری اننگز میں شاندار ہیٹ ٹرک کی، نسیم شاہ نے نظم الحسین، تیجل الاسلام اور محمود اللہ کو پویلین کی راہ دکھائی۔
فاسٹ بولر نسیم شاہ ہیٹ ٹرک کرنے والے دنیا کے کم عمر ترین کھلاڑی بن گئے، ہیٹ ٹرک کے وقت ان کی عمر 16 برس 359 دن ہے۔ اس سے قبل 2002 میں فاسٹ بولر محمد سمیع نے ہیٹ ٹرک کی تھی۔
A day Naseem Shah will never forget! He puts Pakistan in sight of victory with a home hat-trick, becoming the youngest to do so in Tests #PAKvBAN https://t.co/3Wnk8lvJ0Y pic.twitter.com/6r5FZzBbWM
— ESPNcricinfo (@ESPNcricinfo) February 9, 2020
اس سے قبل ٹیسٹ کرکٹ میں کم عمر ترین ہیٹ ٹرک کا ریکارڈ بنگلہ دیش کے الوک کپالی کے پاس تھا جن کی عمر ہیٹ ٹرک کے وقت 19 برس اور 240 دن تھی۔
https://twitter.com/UsmanSansi/status/1226484470066356225?s=20
