پشاور : وزیراعلیٰ کےپی محمود خان نے چیئرمین سی پیک اتھارٹی عاصم سلیم باجوہ سے ملاقات میں کہا کہ چاہتے ہیں ہمارا صوبہ معاشی طور پر خودکفیل ہو، سی پیک منصوبےسے بھرپور استفادے کے لیے کوشاں ہیں۔
تفصیلات کے مطابق وزیراعلیٰ کےپی محمود خان سے چیئرمین سی پیک اتھارٹی عاصم سلیم باجوہ کی ملاقات ہوئی ، ملاقات میں خیبر پختونخوامیں سی پیک منصوبوں پر تبادلہ خیال کیا گیا۔
وزیراعلیٰ محمود خان نے کہا کہ ہم صوبے کوصنعتی،سیاحتی مرکزبنانےکیلئےکوشاں ہیں، پشاور تا ڈی آئی خان موٹروے سے سرمایہ کاری کو فروغ ملے گا جبکہ شندور روٹ، سوات موٹروے فیز 2 سے بھی سرمایہ کاری بڑھےگی۔
محمودخا ن کا کہنا تھا کہ چاہتے ہیں ہمارا صوبہ معاشی طور پر خودکفیل ہو، سی پیک منصوبےسے بھرپور استفادے کے لیے کوشاں ہیں۔
یاد رہے چند روز قبل وزیراعظم عمران خان سے چیئرمین سی پیک اتھارٹی لیفٹیننٹ جنرل(ر) عاصم سلیم باجوہ نے ملاقات کی تھی، جس میں چیئرمین سی پیک نے سی پیک منصوبے میں پیشرفت پر وزیراعظم کو بریفنگ دی تھی۔
مزید پڑھیں : وزیراعظم عمران خان سے چیئرمین سی پیک کی ملاقات
خیال رہے کہ گزشتہ ہفتے وزیراعظم عمران خان کا اجلاس کے دوران کہنا تھا کہ سی پیک کے تحت جاری منصوبوں کو جلد مکمل کیا جائے، مستقبل کے منصوبوں سے متعلق مشاورتی عمل کو تیز کریں۔
وزیراعظم کا کہنا تھا کہ چین نے مشکل حالات میں پاکستان کی مدد کی ہے، سی پیک منصوبہ پاک چین مضبوط تعلقات کا مظہر ہے، منصوبے سے غربت کے خاتمے میں مدد ملے گی۔
انہوں نے سی پیک اتھارٹی کو دوسرے مرحلے کے منصوبوں پرعمل تیز کرنے کی ہدایت کرتے ہوئے کہا تھا کہ سماجی ومعاشی ترقی کے منصوبوں کو ترجیحی بنیادوں پرحتمی شکل دیں، منصوبوں کی بروقت تکمیل پر زور دیا جائے
