کراچی: گلوکار سجاد علی نے اپنا نیا گانا ’بارش‘ ریلیز کردیا جسے مداحوں کی جانب سے خوب سراہا جارہا ہے۔
تفصیلات کے مطابق گلوکار سجاد علی نے اپنے ٹویٹراکاؤنٹ پر نئے گانے ’بارش‘ کی ویڈیو شیئر کی جسے مداحوں کی جانب سے بے حد پسند کیا جارہا ہے۔
سجاد علی کی جانب سے گزشتہ روز گانے کی ویڈیو شیئر کی گئی جسے یو ٹیوب پر اب تک ہزاروں افراد دیکھ چکے ہیں۔
Sajjad Ali – BAARISH – Out now pic.twitter.com/P1dg4TnseU
— Sajjad Ali (@sajjad_official) February 10, 2020
گلوکار سجاد علی کے نئے گانے ’بارش‘ کی خاص بات یہ ہے کہ اس کی ویڈیو میں پاکستانی اداکارہ ریما کے ساتھ سجاد علی کا بیٹا بھی موجود ہے۔
گانے میں دیکھا جاسکتا ہے کہ سجاد علی کا بیٹا اپنے ہی والد کی جوانی کا ایک کردار ادا کررہا ہے۔
سجاد علی کے نئے گانے کی ویڈیو دو محبت کرنے والے لوگوں کے گرد گھومتی ہے، جس میں دکھایا گیا ہے کہ بارش کے موقع پر دونوں ہی اپنی راہیں جدا کرلیتے ہیں۔
یاد رہے کہ اس سے قبل سجاد علی کا گانا ’لگایا دل بہت‘ گایا تھا جسے مداحوں کی جانب سے بہت پسند کیا گیا تھا۔
