پنسلوینیا : امریکہ کی ریاست پنسلوینیا میں ایک گلہری نے یوٹیلیٹی کھمبے پر چڑھ کر علاقے کی بجلی بند کردی، گلہری کی وجہ سے 765گھروں میں روز مرہ کے کام متاثر ہوئے۔
تفصیلات کے مطابق امریکی ریاست میں لوگ اس وقت پریشان ہوگئے جب وہ صبح کے وقت اپنے گھروں میں معمولات میں مشغول تھے کہ اچانک لائٹ چلی گئی اور مکینوں کا مشکلات کا سامنا کرنا پڑا۔
اس حوالے سے علاقائی عہدیدار نے میڈیا کو بتایا کہ صبح 9:43 پر شروع ہونے والی بجلی کی بندش نے765 گھروں کو متاثر کیا کیونکہ ایک گلہری نے بجلی کے کھمبے پر چڑھ کر علاقے میں بجلی کی فراہمی میں خلل ڈالا.
علاقائی عہدیدار کے مطابق یہ گلہری کھمبے پر موجود بجلی کے بکس میں گھس گئی اور سارا نظام تہس نہس کرڈالا ، تاہم ایک گھنٹے کی جدوجہد کے بعد علاقے کی بجلی بحال کردی گئی، اور کھمبے کے اطراف ایسے کور لگا دیئے گئے ہیں کہ جس سے کوئی بھی جانور کھمبوں میں لگے باکس تک نہ پہنچ سکے۔
