اسلام آباد: معاون خصوصی برائے امور نوجوان عثمان ڈار کا کہنا ہے کہ آرٹیفیشل انٹیلی جنس سے نوجوان ہزاروں ڈالرز کما رہے ہیں۔

تفصیلات کے مطابق معاون خصوصی عثمان ڈار نے تقریب سے خطاب کرتے ہوئے کہا کہ کامیاب جوان پروگرام کو تحریک کی طرح لے کر چلوں گا، کامیاب جوان پروگرام کے تحت 1 سے 10 لاکھ روپے قرض دیاجا رہا ہے۔

عثمان ڈار کا کہنا تھا کہ نوجوان کامیاب جوان پروگرام کے تحت اپنا کاروبار شروع کرسکتے ہیں، ایسے پروگرامز سے پاکستان کے باصلاحیت نوجوان آگے آئیں گے، وزیراعظم عمران خان نوجوانوں پر سرمایہ لگا رہے ہیں۔

آرٹیفیشل انٹیلی جنس سے متعلق معاون خصوصی برائے امور نوجوان کا کہنا تھا کہ یہ صدر ڈاکٹر عارف علوی کا پروگرام تھا، آرٹیفیشل انٹیلی جنس سے نوجوان ہزاروں ڈالرز کما رہے ہیں۔

ماضی کی حکومتوں نے جوانوں کو نظرانداز کیا، عثمان ڈار

یاد رہے کہ گزشتہ ماہ وزیر اعظم کے معاون خصوصی عثمان ڈار کا کہنا تھا کہ پروگرام کے تحت میرٹ پر نوجوانوں کو قرضے دیے جا رہے ہیں، ماضی کی حکومتوں نے جوانوں کو نظرانداز کیا۔

عثمان ڈار کا کہنا تھا کہ پروگرام کا مقصد نوجوانون کے لیے روزگار کے مواقع پیدا کرنا ہے،ماضی کی حکومتوں نے چھوٹے کاروبار کو بری طرح متاثر کیا۔