نیویارک: سماجی رابطے اور مائیکرو بلاگنگ کی ویب سائٹ ٹویٹر نے صارفین کے لیے نیا فیچر متعارف کرادیا۔
ٹویٹر کے نئے فیچر کی مدد سے صارفین اپنی پرانی ٹویٹس کو بھی نئی ٹویٹ میں شامل کرسکیں گے جس سے انہیں اپنی بات بیان کرنے میں مزید آسانی ہوگی۔
فیچر کی وجہ سے صارفین اپنی پرانی ٹویٹس کو آسانی کے ساتھ تھریڈ کی صورت دے سکیں گے اور اگر وہ کسی خاص موضوع یا بات کے حوالے سے کوئی اپ ڈیٹ دینا چارہے ہوں گے تو بہتر انداز سے فالوورز کو آگاہ کرسکیں گے۔
مزید پڑھیں: ٹویٹر بھی فیس بک کے نقش قدم پر چل پڑا، خاموشی سے اہم فیچر متعارف
اس ضمن میں ٹویٹر کے آفیشل اکاؤنٹ سے ایک ویڈیو بھی شیئر کی گئی جس میں انتظامیہ نے نئے فیچر کے استعمال کے حوالے سے صارفین کو آگاہ کیا۔
Now you can add a Tweet to one you already Tweeted, faster! pic.twitter.com/j3ktAN6t5o
— Twitter (@Twitter) February 19, 2020
یاد رہے کہ سوشل میڈیا پلیٹ فارمز میں ٹویٹر کو دیگر کے مقابلے میں منفرد حیثیت حاصل ہے کیونکہ یہاں صارف کو دوسرے شخص ایڈ نہیں کرنا پڑتا بلکہ وہ صرف مینشن کر کے اپنی بات متعلقہ شخص تک پہنچا سکتا ہے جو سامنے والے کے پاس نوٹی فائی بھی ہوجاتی ہے۔
یہ بھی پڑھیں: ٹویٹر کو غلطی کا احساس ہوگیا، فیصلہ واپس
اس وقت دنیا بھر میں ٹویٹر صارفین کی تعداد 152 ملین ہے، اس پلیٹ فارم کو سب سے زیادہ امریکا میں استعمال کیا جاتا ہے۔
