اسلام آباد: وزیراعظم کی معاون خصوصی ڈاکٹر ثانیہ نشتر کا کہنا ہے کہ احساس پروگرام میں شہری اور دیہی علاقوں کے لیے علیحدہ پروگرام ہیں۔
تفصیلات کے مطابق وزیراعظم کی معاون خصوصی ڈاکٹر ثانیہ نشتر نے کہا کہ لیہ میں20 یونین کونسل میں 10 ہزار افراد کو پروگرام میں شامل کیا ہے، احساس پروگرام میں شہری اور دیہی علاقوں کے لیے علیحدہ پروگرام ہیں۔
ڈاکٹر ثانیہ نشتر کا کہنا تھا کہ تحریک انصاف کی حکومت کے خلاف کوئی ا سکینڈل سامنے نہیں آیا۔
دوسری جانب تحریک انصاف کے رہنما شہباز گل کا کہنا تھا کہ میڈیا کے کردار کے بغیرحکومت کی کارکردگی کو بہترنہیں کیا جاسکتا، تنخواہ کے حوالے سے وزیراعظم کے بیان کو سیاق وسباق سے ہٹ کر لیاگیا۔
شہباز گل کا کہنا تھا کہ وزیراعظم کے کہنے کا مقصد تھا، ماضی کے حکمرانوں کے برعکس صرف تنخواہ لے رہے ہیں، ماضی میں وزیراعظم کی سیکورٹی پر کروڑوں روپے خرچ کیے جاتے تھے
حکومت عوام کی مشکلات پر خاموش تماشائی نہیں رہ سکتی،وزیراعظم
یاد رہے کہ دو روز قبل وزیراعظم عمران خان کا کہنا تھا کہ حکومت عوام کی مشکلات پر خاموش تماشائی نہیں رہ سکتی، عوام کو ریلیف فراہم کرنے کے ہر آپشن پر غور کیا جائے گا۔
