کراچی: پی ایس ایل میں کراچی کنگز کے ہیڈ کوچ ڈین جونز نے میچ کے بعد مداحوں کے دل بھی جیت لیے جس کی ویڈیو وائرل ہوگئی۔
تفصیلات کے مطابق کراچی کے نیشنل اسٹیڈیم میں کھیلے جانے والے میچ میں کامیابی کے بعد ہیڈ کوچ ڈین جونزنے ڈگ آؤٹ میں موجود کچرا ڈسٹ بین میں اٹھا کر ڈالا جس کی ویڈیو سوشل میڈیا پر وائرل ہوگئی۔
.@ProfDeano cleaning dugout after the match#PSL5 #PSL5ComesPakistan #KKvPZ #KarachiKings pic.twitter.com/d9ESvvbypw
— muzamilasif (@muzamilasif4) February 21, 2020
ڈین جونز کے اس اقدام کو مداحوں کی جانب سے سراہا جارہا ہے، ٹویٹر پر ایک صارف ذوالقرنین حیدر کا کہنا تھا کہ ہمارے لیے یہ سبق حاصل کرنے کی بات ہے۔
ایک اور صارف محمد عباس کا کہنا تھا کہ یہ اسپرٹ ہے اور یہ بالکل ہم سب کے لیے ایک پیغام ہے۔
واضح رہے کہ پی ایس ایل فائیو میں ڈین جونز کراچی کنگز کے ہیڈ کوچ ہیں، اس سے قبل کراچی پہنچنے پر انہوں نے ویڈیو شیئر کی تھی جس میں جونز کا کہنا تھا کہ آپ کے شہر آنے پر بہت خوش ہوں۔
جو کام نیشنل اسٹیڈیم میں موجود شائقین کو کرنا چاہئیے تھا وہ کراچی کنگز کے ہیڈ کوچ ڈین جونز نے کیا….
افسوس…
😐😐😏😏 pic.twitter.com/OgSFM58gyD— ℚႮℛᗅͲ Ⴎℒ ᗅⅈℕ (@qurat5000) February 21, 2020
