دوحا : وزیرخارجہ شاہ محمودقریشی کاکہنا ہے کہ کل کا دن افغانستان اور افغان عوام کیلئے بڑا دن ہے، کل کا معاہدہ انٹرا افغان مذاکرات کیلئے راہ ہموارکرےگا۔
تفصیلات کے مطابق وزیرخارجہ شاہ محمود قریشی نے دوحا میں میڈیا سے گفتگو کرتے ہوئے کہا کل کادن افغانستان،افغان عوام کیلئےبڑادن ہے، افغانستان امن اورمفاہمت کی جانب بڑھ رہا ہے، معاہدہ انٹراافغان مذاکرات کی راہ ہموارکرےگا اللہ کرےافغانستان میں امن واستحکام آئے۔
اس سے قبل وزیر خارجہ شاہ محمود قریشی نے افغان مفاہمتی عمل اور بھارت کی صورتحال پر اہم بیان دیتے ہوئے کہا تھا کہ افغانستان میں امن کیلئےآ ج دنیا پاکستان کے کردار کی تعریف کر رہی ہے، امیدہےکل امریکا،مطالبان امن معاہدے پردستخط ہو جائیں گے، مختلف ممالک کے وزرائے خارجہ،50 ممالک کے نمائندے شریک ہوں گے۔
شاہ محمود قریشی کا کہنا تھا کہ پاکستان کو بھی سارے عمل کا حصہ بننے کیلئے دعوت دی گئی ہے، یہ پاکستان کے لیے بہت بڑا اعزاز ہے اور کوششوں کا اعتراف ہے۔
مزید پڑھیں : افغان طالبان اور امریکا امن معاہدے میں پاکستان کو بھی حصہ دار بننے کیلئے دعوت
انھوں نے کہا کہ دنیا میں آج امن معاہدہ اور دلی کی تشویشناک صورتحال پربات ہو رہی ہے، دلی میں نسل کشی کی صورت حال دنیا کو ابھرتی دکھائی دے رہی ہے ، دنیا کا تمام میڈیا اس پر بات کر رہا ہے اور فارن ریلیشنز کمیٹی کے اہم ممبران بھی اپنی تشویش کا اظہار کر رہے ہیں۔
وزیر خارجہ کا کہنا تھا کہ پاکستان کا تشخص ابھر رہا ہے اور بھارت کا نیچے جا رہا ہے، جب ہماری حکومت آئی تو بھارت کی کوشش تھی پاکستان تنہاہوجائے، بھارت کو ناکامی کا سامنا کرنا پڑا،آ ج پاکستان کا عالمی سطح پراہم کردار ہے، بھارت نے ایف اے ٹی ایف میں پاکستان کوبلیک لسٹ کرانےکی کوشش کی، ایف اے ٹی ایف میں بھی بھارت کو ناکامی ہوئی۔
شاہ محمود قریشی نے مزید کہا کہ صدر ٹرمپ کے دورے کے وقت خیال تھا کہ تجارتی معاہدہ ہو گا، دونوں ممالک کے درمیان تجارتی معاہدے پر اتفاق نہ ہو سکا۔
