خواتین یوں تو بہت مزیدار کھانے بنا سکتی ہیں جس کے لیے انہیں بہت سی چیزوں کی ضرورت پڑتی ہے، تاہم بہت کم اور بظاہر غیر ضروری اشیا سے بھی بہت مزیدار چیزیں بنائی جاسکتی ہیں۔
میلسا لی نامی ایک خاتون نے ایسی ہی ایک ریسپی اپنے سماجی رابطے کی ویب سائٹ فیس بک پر پوسٹ کی جس میں انہوں نے مزیدار” بنانا بریڈ "کی ترکیب بتائی۔
انہوں نے کہا کہ گھر میں اگر کچھ ایسے کیلے رکھے ہوں جو داغدار ہوں تو ان سے بہت مزیدار بنانا بریڈ بنائی جاسکتی ہے۔
میلسا کے مطابق انہوں نے 5 کیلے، ڈھائی کپ آٹا اور 397 گرام کنڈینسڈ ملک کا ٹن ملایا اور کیک بنانے کے برتن میں ڈال کر کوکر میں رکھ دیا۔
کوکر میں انہوں نے ایک برتن میں بھر کر پانی بھی رکھا اور ایک ٹی ٹاول رکھ دیا تاکہ اضافی نمی جذب ہوجائے۔
2 گھنٹے پکانے کے بعد نہایت مزیدار بنانا بریڈ تیار ہوگئی۔ میلسا کا کہنا ہے کہ یہ کیک مکھن اور گولڈن سیرپ کے ساتھ بے حد لذیذ لگے گا۔
انہوں نے تجویز دی کہ اس میں چاکلیٹ اور خشک میوہ جات بھی ملائے جاسکتے ہیں، سوشل میڈیا پر ان کی اس ترکیب کو بہت پسند کیا گیا۔
