اسلام آباد: مڈل آرڈر بلے باز اسد شفیق اور نوجوان کرکٹر عمیر بن یوسف پاکستان سپر لیگ کے سیزن 5 کا حصہ بن گئے۔
تفصیلات کے مطابق پی ایس ایل 2020 ایونٹ کے آئندہ میچوں کے لیے ملتان سلطانز نے اسدشفیق کو اسکواڈ میں شامل کرلیا، اسدشفیق پی ایس ایل فائیو کی سلورکٹیگری میں شامل ہیں۔
ملتان سلطانز کے اسکواڈ میں شامل جیمزونس اور رائیلی روسو لیگ سے دستبردار ہوچکے ہیں۔
دوسری جانب کوئٹہ گلیڈی ایٹرز نے نوجوان کرکٹر عمیربن یوسف کو اسکواڈ میں شامل کرلیا، عمیربن یوسف کا انتخاب ایمرجنگ کٹیگری میں کیا گیا ہے۔ کوئٹہ گلیڈی ایٹرز اسکواڈ میں شامل جیسن رائے اور ٹائمل ملز ایونٹ سے دستبردار ہوئے۔
کیموپاؤل بھی نیشنل ڈیوٹی کے باعث وطن واپس لوٹ چکے ہیں۔
