The quick brown fox jumps over the lazy dog
یہ جملہ نہ تو بھوری رنگت والی پھرتیلی لومڑی کی تعریف میں لکھا گیا ہے اور نہ ہی اس سے کسی کتے کی سستی بیان کرنا مقصود ہے۔
یہ وہ جملہ ہے جو "ٹائپ رائٹر” یا "کی بورڈ” پر دونوں ہاتھوں کی انگلیوں کو انگریزی حروف سے متعلق پہچان کے ابتدائی اسباق کی تکمیل کے بعد ٹائپ کرنے کو دیا جاتا ہے۔
یہی وہ جملہ ہے جس کی مسلسل مشق سے ٹائپنگ سیکھنے والا "کی بورڈ” پر گویا مکمل "کمانڈ” حاصل کرسکتا ہے۔
غور کیجیے تو معلوم ہو گا کہ مذکورہ جملے میں انگریزی زبان کے تمام حروف موجود ہیں جن سے آپ کی انگلیاں خوب واقف ہو جائیں تو تیز رفتاری سے ٹائپنگ کرنا ممکن ہو جاتا ہے۔
کی بورڈ کی مقبول ترتیب جو ہم معتدد مواقعوں میں استعمال کرتے ہیں کیورٹی کہلاتی ہے جو کہ پہلے پانچ حروف کو کی بورڈ کے اوپر والے بائیں کونے میں جوڑ کر بنائی گئی ہے۔
"کی بورڈ” سے جڑے اس جملے کے بارے میں کہا جاتا ہے کہ یہ کسی باقاعدہ سوچ کا نتیجہ نہیں بلکہ ٹائپ رائٹر مشین پر ابتدائی تجربات کے بعد کی جانے والی اختراع ہے جو نہایت مفید اور کارآمد ثابت ہوئی۔
