کراچی: پاکستان سپر لیگ فائیو کی سب سے بڑی ٹیم کراچی کنگز کے ہیڈ کوچ ڈین جونز نے ٹیم کے مداحوں کا شکریہ ادا کر دیا۔
تفصیلات کے مطابق کراچی کنگز کے ہیڈ کوچ ڈین جونز نے اپنے ٹویٹر اکاؤنٹ کے ذریعے کہا ہے کہ محبت اور سپورٹ پر کراچی کنگز کے مداحوں کا شکر گزار ہوں، کراچی کنگز کے فینز پی ایس ایل کے بہترین فینز ہیں۔
A huge thanks to the @KarachiKingsARY fans for your love and support! The best fans in the @thePSLt20 👏🏻👏🏻👊🏻👊🏻
Thank you to my Team. What a great bunch of cricketers and more importantly…men!
Until next year.. the BLUE Book 📘📘📘📘 is closed! 👋🏻👋🏻#PSLV2020
— Dean Jones AM (@ProfDeano) March 17, 2020
ڈین جونز نے لکھا کہ میں اپنی ٹیم کراچی کنگز کا بھی شکر گزار ہوں، ہمارے پاس بہترین کھلاڑیوں کا اسکواڈ تھا۔
کرونا وائرس، پاکستان کرکٹ بورڈ نے پی ایس ایل فائیو کے میچز ملتوی کردیئے
دریں اثنا، ہوٹل میں کراچی کنگز ٹیم کے مالک سلمان اقبال، صدر وسیم اکرم، کوچ ڈین جونز اور کپتان عماد وسیم نے الوداعی تقاریر کیں، اور تمام کھلاڑیوں کا شکریہ ادا جنھوں نے ٹورنامنٹ کے دوران شان دار ٹیم ورک کا مظاہرہ کیا۔
خیال رہے کہ کرونا وائرس کے پیش نظر پاکستان کرکٹ بورڈ نے پاکستان سپر لیگ فائیو کے 2 سیمی فائنلز اور فائنل میچز ملتوی کر دیے ہیں، پی سی بی کا کہنا تھا کہ میچز کو ری شیڈول کیا جائے گا۔ اس سے قبل پاکستان کرکٹ بورڈ نے ایچ بی ایل پی ایس ایل 2020 کے شیڈول میں تبدیلی کرتے ہوئے ایونٹ کے پلے آف میچز کو سیمی فائنل اور فائنل میں تبدیل کر دیا تھا۔
غیرملکی کھلاڑی میں کرونا کی علامات کے بعد پی ایس ایل ملتوی کرنےکافیصلہ کیا،وسیم خان
پاکستان کرکٹ بورڈ کے چیف ایگزیکٹو وسیم خان کا کہنا تھا کہ ایک غیر ملکی کھلاڑی میں کرونا وائرس کا شبہ تھا، غیر ملکی کھلاڑی میں علامات کے بعد پی ایس ایل ملتوی کرنے کا فیصلہ کیا۔
