سندھ انسٹیٹیوٹ آف یورلوجی اینڈ ٹرانسپلانٹیشن (ایس آئی یو ٹی)میں کورونا وائرس کی تشخیص کی سہولت شروع کر دی گئیں جو کہ مخصوص علامتوں کے حامل افراد کو دی جا ئیں گی۔
یہ اسکریننگ ٹیسٹ کی سہولت سندھ گورنمنٹ کے بروقت تعاون سے فراہم کی جارہی ہے، ایس آئی یو ٹی میں تین ہزار سے زائدمریض مستقل بنیادوں پر ڈائلیسس کی سہولت حاصل کرتے ہیں جن میں تقریباًایک ہزار مریض چوبیس گھنٹے میں ڈائلیسس کے سیشنز سے علاج کی سہولت حاصل کرتے ہیں۔
یہ علاج بالکل مفت فراہم کیا جاتا ہے اس کے علاوہ پانچ ہزار ٹرانسپلانٹ اور تین ہزار کینسر کے مریض بھی فالو اپ کے لئے آتے ہیں ۔
سندھ حکومت کے اس تعاون کو بڑی قدر کی نگال سے دیکھا جا رہا ہے کیونکہ اس سے وہ تمام مریض جن کو کورونا کے جراثیم سے متاثر ہونے کا اندیشہ ہے انہیں بہت سہولت حاصل ہوگی۔
ایس آئی یو ٹی انتظامیہ کے مطابق لوگوں کو چوبیس گھنٹے اور ہفتے کے سات دن کوروناکی تشخیص کیلئے یہ سہولت میسر ہو گی۔
یاد رہے کہ ہسپتال میں ایک ہیلپ لائن قائم کی گئی ہےجس کا نمبر 021-99215469ہے۔ جہاں لوگ فون کال کے ذریعے ایس آئی یو ٹی کے ڈاکٹر وں سے معلومات حاصل کر رہے ہیں۔
