اسلام آباد : وزیرخارجہ شاہ محمودقریشی نے ایران پرعائد پابندیاں ختم کرنے کا مطالبہ کرتے ہوئے کہا ہے کہ ایران وسائل کا استعمال کرکے لوگوں کی قیمتی جانیں بچاسکے۔
تفصیلات کے مطابق وزیرخارجہ شاہ محمودقریشی نے سماجی رابطے کی ویب سائٹ ٹوئٹر پر اپنے پیغام میں کہا عالمی برادری غیرمعمولی وباسےلڑرہی ہے، ایسے مشکل، چیلنج کے دور میں بطور لیڈرز درگزر کا مظاہرہ کرنا چاہیے۔
شاہ محمودقریشی کا کہنا تھا کہ اس مشکل وقت میں ایران پرعائد پابندیاں ختم ہونی چاہئیں، ایران وسائل کا استعمال کرکے لوگوں کی قیمتی جانیں بچاسکے۔
The entire global community is fighting an unprecedented pandemic.We must, as leaders at time of such great challenge & difficulty, show utmost compassion. Sanctions must be lifted against Iran, in this moment of peril so that it can use its resources to save precious human lives
— Shah Mahmood Qureshi (@SMQureshiPTI) March 20, 2020
وزیر خارجہ نے ایک اور ٹوئٹ میں کہا کہ ایران میں کرونا سے ہر 10منٹ بعدایک شخص کی موت ہو رہی ہے، ایران میں ہرگھنٹے کےدوران 50لوگ وائرس کا شکار ہو رہے ہیں، عالمی رہنماؤں ،یواین سیکرٹری جنرل کے بیان کی روشنی میں ردعمل دیناہوگا، انسانیت کو بچانے کیلئے متحد ہوکر فوری اور مربوط عالمی ردعمل دیناہوگا۔
According to official info, in Iran every 10 mins 1 person dies from #Covid19 and 50 people infected with virus every hour. The situation is dire. To echo @antonioguterres world leaders must unite for humanity with an urgent & coordinated global response. https://t.co/BlrkmWXaYD
— Shah Mahmood Qureshi (@SMQureshiPTI) March 20, 2020
یاد رہے گزشتہ روز ایرانی وزارت صحت کے ترجمان کا کہنا تھا کہ ملک میں کرونا وائرس کے نتیجے میں ہر 10 منٹ میں ایک شخص ہلاک ہورہا ہے اور ہر گھنٹے میں 50 افراد وائرس میں مبتلا ہورہے ہیں۔
ترجمان نے کہا تھا کہ ملک میں کرونا وائرس کے مریضوں کی تعداد 18407 ہوچکی ہے جبکہ 1284 افراد وائرس سے ہلاک ہوچکے ہیں۔
واضح رہے کہ ایران کرونا وائرس سے سب سے زیادہ متاثرہ ممالک میں شامل ہے، حکومت نے اسکول، یونیورسٹیز کو بند رکھنے، کھیلوں، ثقافتی اور مذہبی اجتماعات پر پابندی عائد کردی ہے۔
