کراچی: معروف پاکستانی اداکاروں ہمایوں سعید اور عدنان صدیقی کی کرونا وائرس ٹیسٹ کی رپورٹ منفی آگئی، دونوں نے خدا کا شکر ادا کرتے ہوئے دعاؤں کے لیے اپنے مداحوں کا بھی شکریہ ادا کیا۔
تفصیلات کے مطابق بیرون ملک سے واپس آنے والے معروف پاکستانی اداکاروں عدنان صدیقی اور ہمایوں سعید کی کرونا وائرس ٹیسٹ کی رپورٹ آگئی، سماجی رابطے کی ویب سائٹ ٹویٹر پر ٹویٹ کرتے ہوئے عدنان صدیقی نے کہا کہ ان دونوں کے ٹیسٹ کی رپورٹ آج رات موصول ہوگئی ہے۔
عدنان صدیقی کا کہنا تھا کہ ان کے کوویڈ 19 کرونا وائرس ٹیسٹ کی رپورٹ منفی ہے، خدا کا شکر ہے۔
We received our COVID -19 test results tonight and it’s negative….Thank God! But we will stay in isolation for 10 more days till we go to our sweet homes. Thank you all for your prayers 🙏. pic.twitter.com/C38BP5Gxpc
— Adnan Siddiqui (@adnanactor) March 23, 2020
اپنے ٹویٹ میں عدنان صدیقی نے لکھا کہ ٹیسٹ کی رپورٹ نیگیٹو آنے کے باجود ہم مزید 10 روز آئسولیشن میں رہیں گے اور اس کے بعد اپنے گھر جائیں گے۔ انہوں نے مداحوں سے اپنے لیے کی جانے والی دعاؤں کا شکریہ بھی ادا کیا۔
ہمایوں سعید نے بھی ٹویٹ کرتے ہوئے کہا کہ ٹیسٹ سے کلیئر ہوجانے کے باجود ہم احتیاطی تدابیر پر عمل پیرا رہیں گے۔
Alhamdulillah our coronavirus reports have come back negative. We will still complete 14 days in quarantine and will be taking every necessary safety precaution even after that. Thanks for all your love and prayers! Stay Safe. Stay Home. #Covid_19 #CoronaFreePakistan pic.twitter.com/ZZCbp87San
— Humayun Saeed (@iamhumayunsaeed) March 23, 2020
خیال رہے کہ دونوں اداکار چند روز قبل امریکا سے واپس آئے تھے جس کے بعد گھر جانے کے بجائے دونوں نے خود کو قرنطینیہ کر لیا تھا۔
Self-quarantined ourselves at a hotel after returning from US. Today Adnan Siddiqui & I took the coronavirus test. Will be getting our reports back tomorrow insha Allah. We have no symptoms so far. Was worried a bit about the test but it went smoothly. Praying for evone’s safety! pic.twitter.com/AYRntr6OND
— Humayun Saeed (@iamhumayunsaeed) March 21, 2020
ہمایوں سعید اور عدنان صدیقی نے کرونا وائرس کی کوئی علامت ظاہر نہ ہونے کے باوجود احتیاطاً ٹیسٹ بھی کروا لیا تھا جس کی رپورٹ آج منفی آگئی۔
