لاہور : حکومت پنجاب کورونا لاک ڈاؤن کے پیش نظر معاشی طور پر متاثر افراد کے لیے 50 ارب سےزائد کے معاشی پیکج کی منظوری دے گی، جس میں پنجاب کے50لاکھ افراد کو ماہانہ 3ہزارسے5ہزار روپے تک دیے جائیں گے۔
تفصیلات کے مطابق حکومت پنجاب معاشی طور پر متاثر افراد کے لیے آج معاشی پیکج کی منظوری دے گی ، وزیر خزانہ 50 ارب سے زائد کا معاشی پیکج منظوری کیلئے پیش کریں گے۔
ذرائع کا کہنا ہے کہ پنجاب کے50لاکھ افرادکوماہانہ 3ہزارسے5ہزار روپے تک دیےجائیں گے، مستحق خاندانوں کو دی جانے والی امدادی رقم کا فیصلہ وزیراعلی ٰ پنجاب کریں گے۔
ذرائع کے مطابق پنجاب میں ماہانہ امداداحساس پروگرام سے دی جائے گی، متعلقہ ضلعی افسران فہرست تیار کریں گے، ضلعی افسران کی ٹیم نقدی کی صورتحال میں پیسے پہنچائے گی۔
، ذرائع کا کہنا ہے کہ لیبرکےسوشل سیکیورٹی فیس، ای اوبی آئی فیس 2ماہ کی معاف کرنے، ڈسٹرکٹ مارکیٹ کمیٹیوں کےٹیکس2 ماہ کےلیےمعاف کرنے اور پنجاب کےاسکولوں کی فیسوں میں 50فیصدکٹوتی کافیصلہ کیا گیا ہے۔
پنجاب میں قرضوں کی ادائیگیاں مؤخرکرتےہوئےگریس وقت دینے، بجلی کےبلوں سےمتعلق ملز، بڑے اداروں کو 2ماہ کےبلز ایک سال میں تقسیم کرنے کا بھی فیصلہ کیا ہے۔
سرکاری اسپتالوں میں ایمرجنسی سہولتوں کی فراہمی کے لیے12ارب رکھے گئے ہیں، پنجاب اکنامک پیکج کی منظوری آج صوبائی کابینہ کے اجلاس میں دی جائے گی۔
